సరిలేరు ఫంక్షన్’లో అల.. ప్రమోషన్ !

సంక్రాంతి సినిమాలు సరిలేరు నీకెవ్వరు, అల.. వైకుంఠపురంలో సినిమాల మధ్య విపరీతమైన పోటీ నెలకొన్న సంగతి తెలిసిందే. ప్రమోషన్స్ తోనే ఆ విషయం అర్థమైపోయింది. ప్రమోషన్స్ లో అల.. దే పైచేయి అనిపించినా.. సరిలేరు మెల్లగా ఊపందుకుంది. ఆదివారం జరిగిన ప్రీ రిలీజ్ ఫంక్షన్ తో ప్రమోషన్స్ పీక్స్ చేరాయి. ఈ వేడుకకి మెగాస్టార్ చిరంజీవి రావడం, వేదికపై చిరు-విజయశాంతిల ముచ్చట్లు, గత జ్ఝాపకాలని నెమరువేసుకోవడ.. మళ్లీ తిరిగి ఒక్కట్టవ్వడం ప్రత్యేకంగా నిలిచాయి.

అంతేకాదు.. సరిలేరు ప్రీ రిలీజ్ ఫంక్షన్ లో అల.. వైకుంఠపురంలో ప్రమోషన్స్ కూడా జరిగింది. మెగాస్టార్ చిరంజీవి తన ప్రసంగంలో చివరలో.. సంక్రాంతి కానుకగా వస్తున్న మిగితా సినిమాలు అల.. వైకుంఠపురంలో, దర్భార్ సినిమాలు కూడా మంచి విజయాన్ని అందుకోవాలని ఆకాంక్షించారు. ఐతే, కల్యాణ్ రామ్ ఎంతమంచివాడవురా సినిమాని చిరు మరిచిపోయారు. 

ఇక బుధవారం అల.. వైకుంఠపురంలో ప్రీ రిలీజ్ ఫంక్షన్ జరగనుంది. ఈ వేడుకి మెగాస్టార్ చిరంజీవి ముఖ్య అతిథిగా హాజరుకావడం లేదు. ఆయన తన 152వ సినిమాతో బిజీగా ఉన్నాడు. అన్నట్టు.. ఈ సినిమాని కేవలం 90రోజుల్లో పూర్తి చేస్తానని దర్శకుడు కొరటాల శివ మాటిచ్చాడట. చాలావేగంగా సినిమాని పూర్తి చేసి.. సమ్మర్ కానుకగా రిలీజ్ చేయనున్నారు.