లక్ష్మీస్ ‘ఎన్టీఆర్ కు బాలయ్య సాయం’ చేశాడా ?
లక్ష్మీస్ ఎన్టీఆర్ నటుడుకి బాలయ్య సాయం చేశారనే ప్రచారం జరుగుతున్న సంగతి తెలిసిందే. వివాదాస్పద దర్శకుడు రామ్ గోపాల్ వర్మ తెరకెక్కించిన చిత్రం లక్ష్మీస్ ఎన్టీఆర్. ఈ చిత్రంలో ఎన్టీఆర్ పాత్ర పోషించాడు పి. విజయ్ కుమార్. అనేక నాటకాలతో మంచి పేరు ప్రఖ్యాతలు పొందిన ఆయన తొలిసారి లక్ష్మీస్ ఎన్టీఆర్ చిత్రంతో వెండితెరకి పరిచయం అయ్యారు.
ఈ చిత్రంలో ఆయన నటనకి విమర్శకుల ప్రశంసలు దక్కాయి. అయితే ఆయన భార్యకి క్యాన్సర్ చికిత్స అందించడం కోసం హైదరాబాద్ బసవతారకం ఆసుపత్రికి తీసుకొచ్చారని, ఆ సమయంలో బాలయ్య .. విజయ్‌కి సాయం చేసాడనే వార్తలొచ్చాయ్. తాజాగా ఈ ప్రచారంపై విజయ్ స్పందించారు. తన భార్యకి క్యాన్సర్ రావడం నిజం, బసవతారకంలో జాయిన్ చేపించడం నిజం. నాకు బాలయ్య సాయం చేసారన్నది అవాస్తవమని తెలిపాడు. ఒకవేళ తాను బాలయ్యని అడిగి ఉంటే సాయం చేసేవారేమో.. కాని నేను ఎవరిని సాయం కోరలేదని విజయ్ తెలిపారు.
