రెబల్స్’ని ఏం చేస్తారు ?
మున్సిపల్ ఎన్నికలకి గులాభి పార్టీ రెడీ అయింది. ఇప్పటికే టికెట్ల పంపిణీ ప్రక్రియ ఓ కొలిక్కి వచ్చింది. ఈ ఉదయం తెలంగాణ భవన్‌లో పార్టీ ఎమ్మెల్యేలు, నియోజకవర్గ ఇంచార్జీలతో సీఎం కేసీఆర్ సమావేశం కానున్నారు. అభ్యర్థులకి ఏ, భీ ఫారాలని అందించనున్నారు. ఎన్నికల్లో అనుసరించాల్సిన వ్యూహాలని వివరించనున్నారు.
రెబల్స్ ని ఏం చేద్దామనే విషయం కూడా చర్చనున్నారు. అవసరమైతే.. వారితో సీఎం కేసీఆర్ స్వయంగా మాట్లాడాలని నిర్ణయించినట్టు తెలుస్తోంది. రెబల్స్ ఉన్న చోట గెలుపు అవకాశాలు చాలా తక్కువ. అందుకే ఆ పోరు లేకుండా ఉండేందుకు తెరాస గట్టి ప్రయత్నాలు చేస్తోంది. లోకల్ పోరులో రాత్రికే రాత్రే సమీకరణాలు మారిపోతుంటాయి. ఈ నేపథ్యంలో జాగ్రత్తగా వ్యవహరించాలని అభ్యర్థులకి సీఎం కేసీఆర్ సూచించనున్నారు.
