మహేష్’కు ఏపీ ప్రభుత్వం సంక్రాంతి కానుక
సూపర్ స్టార్ మహేష్ బాబు అభిమానులకి సంక్రాంతి కానుక అందివ్వబోతున్న సంగతి తెలిసిందే. అనిల్ రావిపూడి దర్శకత్వంలో ఆయన నటించిన ‘సరిలేరు నీకెవ్వరు’ సినిమా సంక్రాంతి కానుకగా ఈ శనివారమే ప్రేక్షకుల ముందుకు రానుంది. ఈ నేపథ్యంలో ఏపీ ప్రభుత్వం మహేష్ కి సంక్రాంతి కానుక ఇచ్చింది. సరిలేరు స్పెషల్ షోలకి ఏపీ ప్రభుత్వం అనుమతినిచ్చింది.
ఈ నెల 11వ తేదీ నుంచి 17వ తేదీ వరకు ప్రతి రోజు అదనంగా రెండు షోలు వేసుకోవడానికి అనుమతి ఇచ్చింది. దీంతో పండగపూట సరిలేరు ప్రతిరోజూ ఆరు షోలు ప్రదర్శించబడనున్నాయి. సంక్రాంతి సీజన్ లో మూడ్నాలుగు సినిమాలు రిలీజ్ అవుతున్న నేపథ్యంలో ప్రత్యేక షోలకి అనుమతి లభించడం సరిలేరుకి కలిసిరానుంది. తొలి వీక్ కలెక్షన్స్ భారీగా పెరగనున్నాయి.
