‘అల.. వైకుంఠపురంలో’ మేకింగ్ వీడియో !

సంక్రాంతి సినిమాల ప్రమోషన్స్ హవా చూపిస్తున్నాయి. కొత్త కొత్త స్టిల్స్, పోస్టర్స్, ఇంటర్వ్యూ వీడియోస్, మేకింగ్ వీడియోలు క్యూ కడుతున్నాయి. తాజాగా ‘అల.. వైకుంఠపురంలో’ మేకింగ్ వీడియోని విడుదల చేశారు. ఈ వీడియోని చూస్తే అల.. షూటింగ్ ఎంత ఫన్నీగా జరిగిందో అర్థమవుతోంది. అల.. సెట్స్ లో విక్టరీ వెంకటేష్ కనిపించారు. బన్నీ పిల్లల సందడి కూడా మేకింగ్ వీడియోలో చూడొచ్చు. ఈ మేకింగ్ వీడియో మెగా అభిమానులకి ముందస్తు బోనస్ అని చెప్పాలి.

ఇక త్రివిక్రమ్-అల్లు అర్జున్ కాంబోలో తెరకెక్కిన అల.. వైకుంఠపురంలో సినిమాపై ప్రేక్షకుల్లో భారీ అంచనాలున్నాయి. అల.. పాటలు సరికొత్త రికార్డులు సృష్టించిన సంగతి తెలిసిందే. సినిమా కూడా ఆ రేంజ్ లోనే రికార్డులు సృష్టించనుందని టీజర్, ట్రైలర్, మేకింగ్ వీడియోలని చూస్తే అర్థమవుతోంది. ఇందులో బన్నీకి జంటగా పూజా హెగ్డే నటించారు. బాలీవుడ్ నటి టబు కీలక పాత్రలో కనిపించనున్నారు. థమన్ సంగీతం అందించారు. హారికా & హాసిని క్రియేషన్స్, గీతా ఆర్ట్స్ 2 సంయుక్తంగా నిర్మించాయి.