‘సిత్తరాలా సిరపడు’ వచ్చేశాడు

త్రివిక్రమ్-అల్లు అర్జున్’ల హ్యాట్రిక్ చిత్రం ‘అల.. వైకుంఠపురంలో’ సంక్రాంతి కానుకగా గత శనివారం ప్రేక్షకుల ముందుకొచ్చింది. సంక్రాంతి విజేత అనిపించుకొంది. బ్లాక్ బస్టర్ హిట్ టాక్ తో థియేటర్స్ లో సందడి చేస్తోంది. ఈ క్రమంలో నాన్ బాహుబలి రికార్డులని బద్దలు కొడుతోంది. ఈ నేపథ్యంలో అభిమానుల ఆనందాన్ని డబుల్ చేస్తూ సినిమాలోని ‘సిత్తరాల సిరపడు’ అనే సెన్సేషనల్ సాంగ్ లిరికల్ వీడియోని విడుదల చేశారు.

క్లైమాక్స్ ఫైట్ కు శ్రీకాకుళం జానపద గేయం సిత్తరాల సిరపడును జోడించి బన్నీ ఫ్యాన్స్ కు బహుమతిగా అందించాడు త్రివిక్రమ్. ఈ పాట ఫైట్ కు థియేటర్లలో ఫ్యాన్స్ జోష్ మాములుగా లేదు. తమన్ స్వరకల్పనలో ఈ పాటను విజయ్ కుమార్ అనే లెక్చరర్ రాయగా.. సూరన్న, సాకేత్ లు పాడి ఆలపించారు. మజవరగమన, రాములో రాములా, బుట్టబొమ్మ పాటల తరహాలో సిత్తరాల సిరపడు సరికొత్త రికార్దులని దూసుకెళ్లేలా ఉందంటున్నారు.