‘సామజవరగమన’పై కేటీఆర్ ప్రశంసలు
త్రివిక్రమ్ దర్శకత్వంలో స్టయిలీష్ స్టార్ అల్లు అర్జున్ నటించిన చిత్రం ‘అల.. వైకుంఠపురంలో’. ఈ సినిమా పాటలు సరికొత్త రికార్డులు సృష్టించిన సంగతి తెలిసిందే. ముఖ్యంగా సామజవరగమన పాట అదిరిపోయింది. అత్యధిక వ్యూస్ సొంతం చేసుకున్న తొలి తెలుగు పాటగా రికార్డ్ సృష్టించింది. అంతేకాదు.. సినీ ప్రముఖులు, అన్నీ వర్గాల ప్రేక్షకుల నుంచి ప్రశంసలు అందుకుంది.
తెలంగాణ మంత్రి కేటీఆర్ కూడా సామజవరగమనకి ఫిదా అయ్యారు. ప్రస్తుతం కేటీఆర్స్విట్జర్లాండ్ పర్యటనలో ఉన్నారు. నేడు జరగనున్న దావోస్ సదస్సులో పర్యటించనున్నారు. ఈ నేపథ్యంలో ఈ ఉదయం లేవగానే ‘సామజవరగమన’ సాంగ్ తనకి తోడుగా నిలిచింది. థమన్ అద్భుతంగా కంపోజ్ చేశాడు. అసలు మైండ్ నుంచి వెళ్లడం లేదంటూ.. ప్రశసించారు. కేటీఆర్ ట్విట్ ని థమన్ లైక్ చేశారు.
ఇక త్రివిక్రమ్-అల్లు అర్జున్ కాంబోలో వచ్చిన హ్యాట్రిక్ చిత్రం ‘అల.. వైకుంఠపురంలో’. బన్నీకి జంటగా పూజా హెగ్డే నటించారు. బాలీవుడ్ నటి టబు కీలక పాత్రలో నటించారు. సంక్రాంతి కానుకగా ప్రేక్షకుల ముందుకొచ్చిన అల.. ని హిట్ గా తేల్చేశారు ప్రేక్షకులు. అంతేకాదు.. అల.. సంక్రాంతి విజేతగా నిలిచింది.
Jet lagged & up at 3:30 am Swiss time!
‘Samaja Varagamana’ on my playlist keeping me company. What a brilliant song!! @MusicThaman you’ve outdone yourself 👏 Cant get this one out of my head 😀 pic.twitter.com/lUGsopHlT0
— KTR (@KTRTRS) January 21, 2020
