‘సవారి’.. గత్తరలేపే కథ !

తెలుగు సినిమా తీరు మారింది. విభిన్న సినిమాలు క్యూ కడుతున్నాయ్. యంగ్ హీరోలు, స్టార్ హీరోలు సైతం ప్రయోగాత్మక సినిమాల్లో నటించేందుకు ఆసక్తి చూపిస్తున్నారు. ఈ నేపథ్యంలోనే అర్జున్ రెడ్డి, కేరాఫ్ కంచెరపాలెం, అ!, మజిలీ, ఓ బేబీ.. తదితర సినిమాలొచ్చాయ్. వస్తున్నాయి. ఈ తరహా కథనే ‘సవారి’. సాహిత్ మోత్కూరి దర్శకత్వంలో నందు, ప్రియాంక శర్మ ప్రధాన పాత్రల్లో నటించిన చిత్రం ‘సవారి’. ఫిబ్రవరి 7న ప్రేక్షకుల ముందుకు రానుంది.

తాజాగా ఈ సినిమా ట్రైలర్ ని విడుదల చేసింది చిత్రబృందం. ఓ గుర్రం. దాని పేరు బాద్ షా. దాన్ని నమ్ముకున్న బతుకున్న కుర్రాడు నందు. అతడి పెద్దింటి పిల్ల ప్రియాంకర్ శర్మతో పరిచయం.. ప్రేమ నేపథ్యంలో సవారి తెరకెక్కినట్టు ట్రైలర్ ని చూస్తే తెలుస్తోంది. ఊరమాస్ పాత్రలో నందు కనిపించాడు. డైలాగ్స్ ఆకట్టుకొన్నాయి. ఇది గత్తరలేపే కథని ట్రైలర్ లో రాహుల్ రామకృష్ణ వాయిస్ ఓవర్ తో చెప్పించారు. అదే నిజమైతే.. టాలీవుడ్ లో మరో వైవిధ్యమైన సినిమా వచ్చినట్టే. కథ ఏమాత్రం బాగున్నా.. చిన్ని సినిమాలు పెద్ద విజయాన్ని నమోదు చేస్తున్నారు. అదే తరహా సవారి పెద్ద హిట్ అవుతుందేమో చూడాలి.

అన్నట్టు.. అర్జున్ రెడ్డి లో విజయ్ దేవరకొండ తరహా సవారిలో నందు కొన్ని బోల్డ్ సీన్స్ లో కనిపించారు. ట్రైలర్ లోనే అండర్ వేర్ తో కనిపించాడు. ఇక సినిమాలో నందు మరింత ఎక్స్ పోజింగ్ ఇవ్వబోతున్నట్టు సమాచారమ్.. !