ఫిబ్రవరి2న ‘ఉప్పెన’ రాబోతుంది

మెగా ‘ఉప్పెన’ రాకకు ముహూర్తం ఫిక్సయింది. మెగా ఫ్యామిలీ నుంచి మరో హీరో రాబోతున్న సంగతి తెలిసిందే. మెగా యంగ్ హీరో సాయిధరమ్ తేజ్ తమ్ముడు వైష్ణవ్ తేజ్ ‘ఉప్పెన’ సినిమాతో రీ ఎంట్రీ ఇవ్వబోతున్నాడు. క్రియేటివ్ దర్శకుడు సుకుమార్ శిష్యుడు బుచ్చి బాబు దర్శకత్వంలో ఈ సినిమా తెరకెక్కుతోంది. వైష్ణవ్ తేజుకి జంటగా కృతి శెట్టి జతకట్టింది. ఈ చిత్రంలో తమిళ్ స్టార్ విజయ్ సేతుపతి విలన్ గా నటిస్తుండటంతో సినిమాపై అంచనాలు మరింతగా పెరిగాయ్.

తాజాగా ఉప్పెన రిలీజ్ డేటు ఫిక్సయింది. ఫిబ్రవరి 2న ఉప్పెనని ప్రేక్షకుల ముందుకు తీసుకురాబోతున్నట్టు చిత్రబృందం ప్రకటించింది. ఈ మేరకు రిలీజ్ డేటు పోస్టర్స్ ని వదిలింది. ఈ చిత్రాన్ని మైత్రి మూవీస్, సుకుమార్ రైటింగ్స్ బ్యానర్స్ సంయుక్తంగా నిర్మిస్తున్నాయి. దేవిశ్రీ ప్రసాద్ సంగీతం అందిస్తున్నాడు. ఇదో మాస్ స్టోరీ. ఇందులో వైష్ణవ్ తేజు మృత్యుకారుడి పాత్రలో కనిపించబోతున్నారు.