తారక్ తో రస్మిక రొమాన్స్
యంగ్ హీరోయిన్ రష్మిక మందన స్టార్ హీరోయిన్స్ లిస్టులో చేరిపోయినట్టే. ఆమె వరుసగా స్టార్ హీరోల సినిమా ఛాన్స్ లు కొట్టేస్తోంది. సూపర్ స్టార్ మహేష్ బాబుకి జంటగా రస్మిక నటించిన సరిలేరు నీకెవ్వరు సంక్రాంతి కానుక ప్రేక్షకుల ముందుకొచ్చి బ్లాక్ బస్టర్ హిట్టైన సంగతి తెలిసిందే. ఇందులో మహేష్ వెంటపడి.. ఆయన ప్రేమించే చిలిపి అమ్మాయిగా రస్మిక బాగా నటించింది. మంచి మార్కులు కొట్టేసింది.
సరిలేరు సినిమా సమయంలోనే స్టయిలీష్ స్టార్ అల్లు అర్జున్ సినిమా ఛాన్స్ కొట్టేసింది రస్మిక. సుకుమార్ దర్శకత్వంలో బన్నీ నటించనున్న సినిమాలో రస్మికనే హీరోయిన్. ఈ సినిమా సెట్స్ మీదకు కూడా వెళ్లకముందే యంగ్ టైగర్ ఎన్ టీఆర్ సినిమాలో రస్మిక ఛాన్స్ కొట్టేసినట్టు సమాచారమ్. ప్రసుతం తారక్ ఆర్ ఆర్ ఆర్ సినిమాతో బిజీగా ఉన్నారు. ఈ సినిమా తర్వాత త్రివిక్రమ్ దర్శకత్వంలో తారక్ సినిమా ఉండబోతుంది. ఇది పాన్ ఇండియా సినిమా రాబోతుందనే ప్రచారం జరుగుతోంది.
లెటెస్ట్ న్యూస్ ఏంటంటే.. ? ఈ సినిమాలో తారక్ కి జంటగా రష్మిక ని తీసుకోవాలనే ఆలోచనలో త్రివిక్రమ్ ఉన్నట్టు తెలుస్తోంది. ఈ మేరకు రస్మికతో సంప్రదింపులు మొదలెట్టినట్టు తెలుస్తోంది. ఇదే నిజమైతే.. రస్మిక పంటపండినట్టే. రస్మిక స్టార్ హీరోయిన్స్ జాబితాలో చేరిపోయినట్టే.
