అజయ్ దేవగణ్’కు తారక్ గ్రాండ్ వెల్ కమ్ !
ఎన్టీఆర్, రామ్ చరణ్ కథానాయకులుగా రాజమౌళి దర్శకత్వంలో ‘ఆర్ఆర్ఆర్’ తెరకెక్కుతోన్న సంగతి తెలిసిందే. ఈ చిత్రంలో బాలీవుడ్ స్టార్ హీరో అజయ్ దేవగణ్ కీలక పాత్రలో నటిస్తున్నారు. ఇటీవలే ఆయన ఆర్ఆర్ఆర్ షూటింగ్ లో జాయిన్ అయినట్టు అప్ డేటు వచ్చింది. ఆ సమయంలో రాజమౌళి, అజయ్ దేవగణ్ కలిసి దిగిన ఫోటోలు వైరల్ అయ్యాయి. తాజాగా రాజమౌళి, అజయ్ దేవగణ్, రామ్ చరణ్ లతో దిగిన గ్రూప్ ఫోటో ఒకటి తారక్ తన ట్విట్టర్ ఖాతాలో షేర్ చేశారు. ‘అజయ్ సర్ కి ఆర్ఆర్ఆర్ ప్రపంచంలోకి ఘన స్వాగతం’ అంటూ తారక్ కామెంట్ పెట్టారు.
ఇక ‘ఆర్ఆర్ఆర్’ అజయ్ దేవగణ్ భగత్ సింగ్ పాత్రలో కనిపిస్తారని.. భగత్ సింగ్ దిశానిర్థేశంతోనే కొమరం భీమ్, అల్లూరి సీతారామరాజు ఆంగ్లేయులకి వ్యతిరేకంగా పోరాడని జక్కన్న సూచించబోతున్నట్టు ప్రచారం జరుగుతోంది. ఐతే, ఈ ముగ్గురు స్వాత్రంత్య్ర సమరయోధులు ఎక్కడ కలిశారు. ఎప్పుడు ? అనేది రాజమౌళి ఎలా చూపించబోతున్నారన్నది ప్రస్తుతానికి సప్సెన్స్.
ఈ చిత్రంలో చరణ్ కి జంటగా బాలీవుడ్ బ్యూటీ అలియా భట్ కనిపించనున్నారు. తారక్ కి జంటగా హాలీవుడ్ హీరోయిన్ ఓలివియా మోరీస్ జతకట్టనుంది. వీరిద్దరి మధ్య హాట్ హాట్ రొమాంటిక్ సీన్స్ ఉండబోతున్నట్టు తెలుస్తోండి. ఇక ఆర్ఆర్ఆర్ షూటింగ్ దాదాపు పూర్తికావొస్తోంది. అయినా.. జులై 30న రావాల్సిన ఆర్ ఆర్ ఆర్ అక్టోబర్ నెలకి వాయిదా పడనుందనే ప్రచారం జరుగుతోంది.
Delighted to welcome you to the world of #RRR dear @ajaydevgn sir pic.twitter.com/9iKRJl11e5
— Jr NTR (@tarak9999) January 29, 2020
