అల.. ఆల్ టైం ఇండస్ట్రీ హిట్ ట్రైలర్.. చూశారా ?

అల.. ఫస్ట్ లుక్ నుంచే రికార్డులకి తెరలేపాడు స్టయిలీష్ స్టార్ అల్లు అర్జున్. త్రివిక్రమ్ దర్శకత్వంలో ఆయన నటించిన హ్యాట్రిక్ చిత్రం ‘అల.. వైకుంఠపురంలో’. ఈ సినిమా ఫస్ట్ లుక్ లో బన్నీ మిడిల్ క్లాస్ అబ్బాయిగా కనిపించాడు. ఆ తర్వాత లుక్ లో స్టయిలీష్ గా కనిపించారు. ఈ రెండు లుక్ లని చూసి అల.. వైవిధ్యంగా ఉండబోతుందని అర్థమైంది. ఇక పాటలతో రికార్డుల పరంపరకు తెరలేపారు. అల.. తొలిపాటగా వచ్చిన సామజవరగమన అత్యధిక వ్యూస్ సాధించిన తొలిపాటగా రికార్డులకెక్కింది.

ఆ తర్వాత వచ్చిన రెండో సాంగ్ ‘రాముల రాముల’ రికార్డుల లిస్టులో దాని తర్వాతే చేరింది. వచ్చిన ప్రతి సాంగ్ హిటే. ఆఖరికి సినిమా కి ముందు వదలని ‘సిత్తరాల సిరపడు.. ‘ కూడా బయటికొచ్చాక భయంకరమైన హిట్ అయ్యాడు. ఇక సంక్రాంతి కానుకగా వచ్చిన అల.. వైకుంఠపురంలో బ్లాక్ బస్టర్ హిట్ అయింది. సంక్రాంతి విజేతగా నిలిచింది. కేవలం పది రోజుల్లోనే రూ. 143కోట్ల షేర్, రూ. 220కోట్ల గ్రాస్ ని కలెక్ట్ చేసింది. ఈ క్రమంలో నాన్ బాహుబలి రికార్డులని బ్రేక్ చేసింది.

ఈ నేపథ్యంలో ఈ విజయాన్ని చిత్రబృందం గ్రాండ్ సెలబ్రేట్ చేసుకొనుంది. ఈ నేపథ్యంలో అల.. ఇండస్ట్రీ హిట్ పేరిట తాజాగా ఓ ట్రైలర్ ని వదిలారు. ఇందులో ఏరియాల వారీగా అల.. నాన్ బాహుబలి రికార్డులని చేయడానికి పేర్కొన్నారు. అన్ స్టాపబుల్ రికార్డ్. విశాఖపట్నం, గుంటూరు, ఈస్ట్ గోదావరి, కృష్ణా, నైజాం, సీడెడ్, నెల్లూరు, వెస్ట్ గోదావరిలలో ఆల్ టైం నాన్ బాహుబలి రికార్డులని బ్రేక్ చేసినట్టు తాజా ట్రైలర్ లో చూపించారు.