సెమీస్ లో పాక్’పై భారత్ ఘన విజయం

భారత యువ ఆటగాళ్లు అదరగొట్టేశారు. అండర్ 19 వరల్డ్ కప్ ఫైనల్స్ కి చేరారు. సెమీ ఫైనల్ లో దాయాది పాకిస్థాన్ పై ఘన విజయం సాధిమ్చారు. సెమీస్ లో పాక్ నిర్ణయించిన 172 పరుగుల విజయ లక్ష్యాన్ని ఒక వికెట్ కూడా నష్టపోకుండా టీమిండియా చేధించింది. ఓపెనర్స్  జైశ్వాల్ 105, దివ్యాంశ్ సక్సెనా 59 పరుగులతో అజేయంగా నిలిచారు. 35.2 ఓవర్స్ లోనే పని పూర్తి చేశారు.

అంతకుముందు టాస్ గెలిచి మొదటి బ్యాటింగ్ చేసిన పాక్ 43.1 ఓవర్లలో 172 పరుగులకే కుప్పకూలింది.ఓపెనర్‌ హైదర్‌ అలీ(56: 77 బంతుల్లో 9ఫోర్లు), నజీర్‌(62: 102 బంతుల్లో 6 ఫోర్లు) అర్ధశతకాలతో రాణించడంతో పాక్‌ ఆమాత్రం స్కోరు చేయగలిగింది. భారత బౌలర్లు సుశాంత్‌ మిశ్రా(3/28), కార్తీక్‌ త్యాగీ(2/32), రవి బిష్ణోయ్‌(2/46) కళ్లుచెదిరే బౌలింగ్‌తో  పాక్‌ను కుప్పకూల్చారు.