పవన్’తో రిమేక్ కథ.. క్లారిటీ ఇచ్చిన హరీష్ శంకర్ !
గబ్బర్ సింగ్ కాంబో రిపీట్ కాబోతున్న సంగతి తెలిసిందే. హరీష్ శంకర్ దర్శకత్వంలో పవన్ సినిమా రాబోతుంది. ఈ మేరకు ఇటీవలే అధికారిక ప్రకటన వచ్చేసింది. ఈ చిత్రాన్ని మైత్రీ మూవీస్ నిర్మించనుంది. పవన్ కోసం హరీష్ ఓ రిమేక్ కథని ఎంచుకున్నాడని.. సేఫ్ జోన్ లో వెళ్లేందుకు ఇలా చేశాడనే ఓ ప్రముఖ వెబ్ సైట్ ట్విట్ చేసింది.
దీనిపై తాజాగా హరీష్ శంకర్ స్పందించారు. “ఇందులో ఏమాత్రం నిజం లేదు. ఇలాంటి విషయాలు ప్రచారం చేసే ముందు తనకి ఓసారి ఫోన్ చేసి క్లారిటీ తీసుకోండి. మరోసారి మీరు మీ పాఠకులకి రాంగ్ ఇన్ ఫర్ మేషన్ ఇచ్చారు” అంటూ ట్విట్ చేశారు హరీష్ శంకర్.
2012 మే11న ప్రేక్షకుల ముందుకొచ్చిన గబ్బర్ సింగ్ బ్లాక్ బస్టర్ హిట్ అయిన సంగతి తెలిసిందే. పవన్ ఫ్యాన్స్ కడుపునింపిన సినిమా ఇది. మరోసారి హరీష్-పవన్ కాంబోలో రాబోతున్న సినిమాపై భారీ అంచనాలున్నాయ్. మరీ.. ఈసారి హరీష్ పవన్ కోసం ఎలాంటి కథని ఎంచుకున్నాడు. పవన్ ని ఏ విధంగా చూపించబోతున్నాడు అనేది ఆసక్తిగా మారింది.
Dear @greatandhranews all your reporters are just a phone call away from me… they can easily confirm with me before coming up with any article … hope you don’t mislead readers again …. thank you 😊 !!!! https://t.co/jz7pnGpFTm
— Harish Shankar .S (@harish2you) February 4, 2020
