తెలుగు ‘పింక్’ రిలీజ్ డేటు ఫిక్స్

పింక్ రిమేక్ తో పవర్ స్టార్ పవన్ కల్యాణ్ రీ ఎంట్రీ ఇస్తున్న సంగతి తెలిసిందే. ఈ చిత్రానికి యువ దర్శకుడు వేణు శ్రీరామ్ దర్శకత్వం వహిస్తున్నారు. బోనీ కపూర్ తో కలిసి దిల్ రాజు నిరిస్తున్నారు. ఇటీవలే సెట్స్ మీదకి వెళ్లిన ఈ సినిమా జెడ్ స్పీడుతో షూటింగ్ జరుపుకుంటోంది. తాజాగా ఈ సినిమా రిలీజ్ డేటుని ప్రకటించారు నిర్మాత దిల్ రాజు.

“ప‌వ‌న్‌క‌ల్యాణ్‌గారితో సినిమా చేయాల‌ని ఎప్పట నుండో అనుకుంటే ఇప్పటికి కుదిరింది. పింక్ సినిమాను రీమేక్ చేస్తున్నాం. ఈ సినిమా టైటిల్‌పై ప‌లు వార్తలు వ‌స్తున్నాయి. సినిమాను మే 15న విడుద‌ల చేయాల‌ని అనుకుంటున్నాం. మే 11న గ‌బ్బర్ సింగ్ విడుద‌లైంది. కాబ‌ట్టి స‌మ్మర్‌లోనే రావాల‌ని అనుకుంటున్నాం. టైటిల్ ఇంకా ఫిక్స్ కాలేదు. ఉగాది టైటిల్‌ను అనౌన్స్ చేస్తాం” అన్నారు దిల్ రాజు.