డెత్‌ వారెంట్‌ను జారీ చేసిన టాండన్‌
‘కేజీఎఫ్’ సినిమాతో కన్నడ స్టార్ యశ్ ప్రపంచవ్యాప్తంగా ఎందరో అభిమానులను సొంతం చేసుకున్నారు. ప్రశాంత్ నీల్ దర్శకత్వంలో వచ్చిన ఈ సినిమా భారతీయ చలనచిత్ర ఖ్యాతిని మరోస్థాయికి తీసుకెళ్లింది. ప్రస్తుతం ‘కేజీఎఫ్’ చిత్రానికి సీక్వెల్‌గా ‘కేజీఎఫ్ ఛాప్టర్‌2’ తెరకెక్కుతున్న విషయం తెలిసిందే.
ఈ సినిమాలో ఎంతో కీలకమైన ‘అధీర’ పాత్రలో బాలీవుడ్‌ నటుడు సంజయ్‌ దత్‌ కనిపించనున్నారు. ఈ సినిమాలో ఇప్పుడు బాలీవుడ్‌ నటి రవీనా టాండన్‌ కీలక పాత్రలో కనిపించనున్నారు. ఆదివారం ఆమె ‘కేజీఎఫ్2’ సెట్‌లో అడుగుపెట్టారు. షూటింగ్‌ ఆరంభానికి ముందు దర్శకుడితో కలిసి ఆమె ఫొటోలకు ఫొజులిచ్చారు. దీనికి సంబంధించిన ఓ ఫొటోను చిత్ర నిర్మాణ సంస్థ సోషల్‌మీడియా వేదికగా అభిమానులతో పంచుకుంది.
‘డెత్‌ వారెంట్‌ను జారీ చేసిన లేడీ సెట్‌లోకి అడుగుపెట్టారు. ఎంతో సరదాగా ఉండే రవీనా టాండన్‌కు ‘కేజీఎఫ్2′ టీంలోకి సుస్వాగతం’ అని పేర్కొంది. ఇప్పుడీ ఫోటో సోషల్ మీడియాలో వైరల్ అవుతోంది. ఇక కేజీఎఫ్ 2 తర్వాత ప్రశాంత్ నీల్ టాలీవుడ్ స్టార్ హీరోతో ప్రశాంత్ నీల్ సినిమా ఉండనుందనే ప్రచారం జరుగుతోంది. ఎన్టీఆర్, మహేష్, ప్రభాస్ లతో ప్రశాంత్ నీల్ సినిమా ఉంటుందట. వీరిలో ముందు ఎవరితో అన్నది తెలియాల్సి ఉంది.
