దర్శకేంద్రుడు-మాటల మాంత్రికుడు.. ఇలా !
తెలుగు సినిమా స్థాయిని పెంచిన దర్శకుడు కె. రాఘవేంద్ర రావు. ఆయన సినిమాలు పువ్వుల వాసనల కమ్మగా ఉంటాయ్. ఇక హీరోయిన్స్ ని అందంగా చూపించడంలో రాఘవేంద్ర రావు తర్వాతే ఎవరైనా. ఇక మాటల మాంత్రికుడు త్రివిక్రమ్ గురించి తెలిసిందే. ఆయన రాత, తీత అద్భుతంగా ఉంటాయ్. మాటలతో మాయ చేసే త్రివిక్రమ్.. ఇటీవలే అల.. వైకుంఠపురం సినిమాలో ఘన విజయం అందుకున్నారు.
తాజాగా త్రివిక్రమ్ తో కలిసి ఫోటోలకి పోజులిచ్చాడు దర్శకేంద్రుడు రాఘవేంద్రరావు. వాటిని తన ట్విట్టర్ ఖాతాలో పోస్ట్ చేశారు. సందర్భం ఏంటన్నది చెప్పలేదు. కానీ, గంగోత్రి, అల.. వైకుంఠపురంలో అని కామెంట్ పెట్టారు. రాఘవేంద్ర రావు దర్శకత్వంలో వచ్చిన గంగోత్రి సినిమాతో అల్లు అర్జున్ హీరోగా ఎంట్రీ ఇచ్చిన సంగతి తెలిసిందే. ఇక త్రివిక్రమ్ దర్శకత్వంలో ఇటీవల ప్రేక్షకుల ముందుకొచ్చిన అల.. వైకుంఠపురంలో బన్నీ బ్లాక్ బస్టర్ హిట్ అందుకున్నాడు. ఆయన కెరీర్ లోనే బిగ్గెస్ట్ హిట్ ఇది.
ఈ నేపథ్యంలో బన్నీ కెరీర్ ని గ్రాఫ్ ని తెలిపేలా గంగోత్రి టు అల.. వైకుంఠపురంలో సినిమాల పేర్లని పేర్కొన్నారు దర్శకేంద్రుడు. ఇక ఈ ఫోటోల్లో దర్శకేంద్రుడు, మాటల మాంత్రికుడు ఇద్దరు నవ్వులు చిందిస్తూ.. అందంగా ఉన్నారు.. !
Gangotri…
Ala Vaikunthapurramuloo…. @alluarjun pic.twitter.com/3DWl3mRB6k— Raghavendra Rao K (@Ragavendraraoba) February 11, 2020
