క్రేజీవాల్’ని ఫాలో అవుతున్న పవన్

జనసేన అధినేత, పవర్ స్టార్ పవన్ కల్యాణ్ ఢిల్లీ సీఎం అరవింద్ క్రేజీవాల్ ని ఆదర్శంగా తీసుకున్నట్టు కనబడుతోంది. అది కర్నూలు జిల్లా పర్యటనలో పవన్ ప్రసంగంలో కనిపించింది. ఢిల్లీ అసెంబ్లీ ఎన్నికల్లో ఆమ్ ఆద్మీ పార్టీ ఘన విజయం సాధించిన సంగతి తెలిసిందే. మొత్తం 70 అసెంబ్లీ స్థానాలకి గానూ.. 62 స్థానాల్లో ఆప్ విజయం సాధించింది. దానికి కారణం క్రేజీవాల్ యువతకి పెద్ద పీఠ వేయడమే. అత్యధిక సీట్లని యువతకి కేటాయించారు. అదీకూడా ఎలాంటి రాజకీయ నేపథ్యం లేనివారికి.. ప్రజాసేవ చేయాలనే కసి ఉన్నవారికి ఎమ్మెల్యే సీట్లని ఇచ్చారు. వారిని గెలిపించారు. వారితో ప్రజాసేవ చేయించబోతున్నారు.

ఇప్పుడు పవన్ కూడా ఇదే చేయబోతున్నట్టు కనిపిస్తోంది. కర్నూలులో మాట్లాడిన పవన్.. అధికారం ముఖ్యంకాదు. ఏ అధికారం ఉందని తనకోసం ఇంతమంది వచ్చారు. జనసేన పార్టీ ప్రధాన లక్ష్యం సామాన్యుడికి అండగా ఉండటమే. వారి గొంతుకని అవుదామని పార్టీని పెట్టాను. సామాన్యులు అధైర్యపడకండీ. మీకు జనసేన ఉంది. యువతని పార్టీ ప్రాధాన్యం ఇస్తుందని చెప్పుకొచ్చాడు. పవన్ మాటలు వింటే.. ఆయనపై అరవింద్ క్రేజీవాల్ ప్రభావం ఉన్నట్టు కనిపించింది. మరీ.. ఏపీలోనూ ఈ సామాన్యుడు ఘన విజయం సాధించే రోజు వస్తుందని ఆశిద్దాం.. !