అల.. మేజిక్ ని రిపీట్ చేస్తారా ?

సంగీత దర్శకుడు థమన్ సూపర్ ఫామ్ లో ఉన్నాడు. థమన్ సంగీతం అందిస్తే సినిమా హిట్టే అన్నట్టుగా ఉంది పరిస్థితి. మంచి పాటలు, అంతకుమించిన అద్భుతమైన నేపథ్య సంగీతాన్ని అందిస్తున్నారు. ‘అల.. వైకుంఠపురంలో’ సినిమాతో థమన్ చేసిన మేజిక్ సంగతి తెలిసిందే. అల.. పాటలు రాష్ట్రాలు, దేశం దాటి ప్రపంచాన్ని ఫిదా వేశాయి. ఇప్పుడు థమన్ పవర్ స్టార్ పవన్ కల్యాణ్ సినిమా కోసం పని చేస్తున్నారు. పింక్ రిమేక్ తో పవన్ రీ ఎంట్రీ ఇస్తున్న సంగతి తెలిసిందే.

ఈ సినిమాకి థమన్ సంగీతం అందిస్తున్నారు. ఇప్పటికే థమని పని మొదలెట్టాడు. ఆ ఆనందాన్ని పంచుకుంటూ.. ఒకట్రెండు ఫోటోలు కూడా షేర్ చేశాడు. పవన్ కోసం అద్భుతమైన పాటలు అందించబోతున్నట్టు తెలిపారు. తాజాగా గాయకుడు సిద్ శ్రీరామ్ తో కలిసి దిగిన ఫోటోని థమన్ షేర్ చేశారు. మీరు ఊహించినది నిజమే. పవన్ సినిమా కోసం పని చేస్తున్నాం అన్నారు.

అల.. వైకుంఠపురంలో సినిమాలోని తొలిపాటగా వచ్చిన ‘సామజవరగమన’ ఏ రేంజ్ లో హిట్టయిందో తెలిసిందే. అత్యధిక వ్యూస్ సొంతం చేసుకున్న తొలి తెలుగు పాటగా రికార్డ్ సృష్టించింది. ఇప్పుడు మరోసారి థమన్ ట్యూన్ కి సిద్ శ్రీరామ్ గొంతు కలవనుంది. మరీ.. మరోసారి అల.. మేజిక్ ని రిపీట్ చేస్తారేమో చూడాలి. 

All ur guesses r 99.9% right !! @sidsriram sings for #PSPK26 !!
Hope u all like it
We have put our heart & soul for this @SVC_official
My love to #dilraju gaaru #VenuSriRam gaaru @ramjowrites !! For this song

Can’t wait for u guys to listen this !! 🔊
♥️ pic.twitter.com/BwUAlwXnJo

— thaman S (@MusicThaman) February 12, 2020