ఇండియన్ సినిమాని ఏలాలనుకుంటున్నా : విజయ్ దేవరకొండ
టాలీవుడ్ సంచలనం విజయ్ దేవరకొండ పెద్ద టార్గెట్ నే పెట్టుకున్నాడు. ఏకంగా ఇండియన్ సినిమాని ఏలాలనుకుంటున్నాడట. పెళ్లిచూపులు, అర్జున్ రెడ్డి, గీత గోవిందం సినిమాలతో టాలీవుడ్ స్టార్ హీరోల లిస్టులో చేరిపోయాడు విజయ్. ఇంకా చెప్పాలంటే.. స్టార్ హీరోలని మించిపోయాడు. ఆయన నటించిన నోటా, డియర్ కామ్రెడ్ సినిమాలు దక్షిణాది బాషలన్నింటిలోనూ రిలీజ్ అయ్యాయి.
దీంతో.. విజయ్ సౌత్ ని టార్గెట్ చేశాడు. సౌత్ సూపర్ స్టార్ అనిపించుకోవాలని ఆశపడుతున్నాడని అనుకొన్నారు. కానీ విజయ్ టార్గెట్ సౌత్ మాత్రమే కాదు. ఏకంగా ఇండియన్ సినిమాలని ఏలాలనుకొంటున్నాడు. విజయ్ తాజా సినిమా వరల్డ్ ఫేమస్ లవ్వర్. రేపే (ఫిబ్రవరి 14) ప్రేక్షకుల ముందుకు రానుంది. ఈ సినిమా ప్రమోషన్స్ లో పాల్గొన్న విజయ్ తనపై వస్తున్న ట్రోల్స్ పై స్పంచారు.
“ట్రోల్స్ అంటే నాకు చాలా ఇష్టం. ప్రతిఒక్కరూ నా గురించి మాట్లాడుకోవడం చూస్తుంటే సంతోషంగా అనిపిస్తుంది. నెటిజన్లు తమ విలువైన సమయాన్ని ఉపయోగించిన నా స్టైల్‌, సినిమాల గురించి మీమ్స్‌ తయారు చేస్తున్నారు. బహుశా నేను ట్రోల్స్‌తో వాళ్లకు నిద్రలేని రాత్రులను ఇస్తున్నాను. నా మీద ట్రోల్స్ క్రియేట్‌ చేయడం చూస్తుంటే వాళ్ల కలల్లో కూడా నేనే ఉంటాననిపిస్తోంది. కానీ ఒక్కమాటలో చెప్పాలంటే నేను ఇండియన్ సినిమాని రూల్‌ చేయాలనుకుంటున్నా”నని విజయ్ అన్నారు.
