‘వరల్డ్ ఫేమస్ లవ్వర్’ ఫస్ట్ డే కలెక్షన్స్

‘వరల్డ్ ఫేమస్ లవ్వర్’గా శుక్రవారం ప్రేక్షకుల ముందుకొచ్చేశాడు విజయ్ దేవరకొండ. ఈ చిత్రానికి క్రాంతి మాధవన్ దర్శకత్వం వహించరు. విజయ్ సరసన ఏకంగా నలుగురు హీరోయిన్స్ నటించారు. రాశీ ఖన్నా, ఐశ్వర్య రాజేష్, ఇజబెల్లా లీట్, క్యాథెరిన్ ట్రెసా
లతో విజయ్ రొమాన్స్ చేశాడు. భారీ అంచాలతో ‘వరల్డ్ ఫేమస్ లవ్వర్’ థియేటర్స్ కి వెళ్లిన ప్రేక్షకులకి షాక్ తగిలింది. సినిమా ఆశించిన స్థాయిలో లేదు. దీంతో సినిమాపై మిక్సిడ్ టాక్ వినిపిస్తోంది. అయితే ఫస్ట్ డే కలెక్షన్స్ పై మాత్రం ఆ ఎఫెక్ట్ పడలేదు. 

తొలిరోజు వరల్డ్ ఫేమస్ లవ్వర్ రూ. 7 నుంచి 8 కోట్ల వరకు వసూలు చేశాడు. వీకెండ్ కావడం శని, ఆదివారం కలెక్షన్స్ పెద్దగా తగ్గకపోవచ్చు. వీకెండ్ ముగిసే సరికి రూ. 15 నుంచి 20కోట్ల వరకు వసూలు చేసే అవకాశం ఉంది. మరో రూ. 10కోట్లు వసూలు చేస్తే వరల్డ్ ఫేమస్ లవ్వర్ సేఫ్  జోన్ లోకి వెళ్లినట్టే. ఎందుకంటే.. ? ఈ సినిమాకి రూ. 29కోట్ల ప్రీ రిలీజ్ బిజినెస్ జరిగింది. అంటే.. రూ. 30కోట్ల వరకు వసూలు చేస్తే సినిమా సేఫ్.

ప్రపంచ వ్యాప్తంగా 1100థియేటర్స్ పైగా వరల్డ్ ఫేమస్ లవ్వర్ రిలీజ్ అయింది. రెండు తెలుగు రాష్ట్రాల్లో కలిపి 720 థియేటర్స్ కేటాయించారు. ఈ నేపథ్యంలో తొలివారంలోనే వరల్డ్ ఫేమస్ లవ్వర్ గట్టేక్కవచ్చు. ఎటొచ్చి… సిక్సర్ కొడదామని భావించిన విజయ్ దేవరకొండ ప్రయత్నమే మరోసారి ఫెయిల్ అయినట్టు కనిపిస్తోంది. మరో సిక్సర్ కొట్టాలంటే పూరి సినిమా వచ్చే వరకు ఆగాల్సిందే. పూరి దర్శకత్వంలో విజయ్ హీరోగా ఫైటర్ సినిమా తెరకెక్కుతోన్న సంగతి తెలిసిందే. ఇది ప్యాన్ ఇండియా సినిమాగా రాబోతుంది. బాలీవుడ్ లో ప్రముఖ దర్శక-నిర్మాత కరణ్ జోహార్ నిర్మిస్తున్నారు.