నితిన్ కోసం డోస్ పెంచేసింది !

యంగ్ హీరోయిన్ రష్మిక మందన చిలిపి పిల్ల. అల్లరి పిల్ల. ఈ విషయాన్ని స్వయంగా సూపర్ స్టార్ మహేష్ బాబు తెలిపిన సంగతి తెలిసిందే. సరిలేరు నీకెవ్వరు సినిమా కోసం మహేష్-రస్మిక కలిసి నటించారు. ఈ సినిమా షూటింగ్ సమయంలో రస్మిక అల్లరిని భరించలేకపోయానని మహేష్ తెలిపారు. ఆ అల్లరి భీష్మ సినిమా షూటింగ్ లో కొనసాగించిందట రస్మిక.

ఆ విషయాన్ని ఇటీవల ఓ ఇంటర్వ్యూలో నితిని తెలిపాడు. నితిన్-రస్మిక జంటగా నటించిన చిత్రం భీష్మ. వెంకీ కుడుముల దర్శకత్వం వహించారు. నాగ వంశీ నిర్మాత. ఫిబ్రవరి 21న ప్రేక్షకుల ముందుకు రానుంది. ఈ సందర్భంగా సినిమా ప్రమోషన్స్ లో పాల్గొన్న రస్మిక నితిన్ సీక్రెట్స్ బయటపెడతానని తెలిపింది. ఎందుకంటే.. ?

“దేనినైనా సరే తెలుసుకోవాలనే ఉత్సాహం నాలో చాలా ఎక్కువ. అలా ఒకరోజు కుక్క బిస్కెట్స్‌ ఎలా ఉంటాయో తెలుసుకోవాలనిపించింది. అందుకే ఒక చిన్న ముక్క టేస్ట్ చేశాను అంతే. అది నా సీక్రెట్‌. దానిని మొన్న నితిన్‌ ఇంటర్వ్యూలో బయటపెట్టాడు. నా సీక్రెట్‌ బయటపెట్టాడు కాబట్టి నేను కూడా తనకు సంబంధించిన ఏదో ఒక సీక్రెట్‌ కనిపెట్టి బయటపెడతా”నని రస్మిక చెప్పుకొచ్చింది. ఇక ఈ సినిమాలో రస్మిక ఇంకాస్త గ్లామర్ గా కనిపించబోతుందని ప్రచార చిత్రాలు చూస్తే అర్థమవుతోంది