‘భీష్మ’ ఫస్ట్ డే కలెక్షన్స్

భీష్మగా శుక్రవారం ప్రేక్షకుల ముందుకొచ్చేశాడు యంగ్ హీరో నితిన్. హిట్ టాక్ సొంతం చేసుకున్నాడు. భీష్మ ఎంటర్ టైనింగ్ గా ఉన్నాడని రివ్యూలు చెప్పేశాయ్. నితిన్ కామెడీ టైమింగ్ అదిరింది. నితిన్-రస్మికల మధ్య కెమిస్ట్రీ బాగా కుదిరింది. రస్మిక డ్యాన్సుల్లో అదరగొట్టేసింది. రొటీన్ కథని దర్శకుడు వెంకీ కడుముల వినోదాత్మకంగా చెప్పడం ఆకట్టుకుందని చెప్పుకొంటున్నారు.

హిట్ టాక్ తో భీష్మ తొలిరోజు వసూళ్లు ఆ రేంజ్ లోనే ఉన్నాయి. తెలుగు రాష్ట్రాల్లో తొలిరోజు భీష్మ రూ. 6.4 కోట్ల షేర్ ను వసూలు చేసింది. ఒక్క నైజామ్ లోనే రూ. 2.21కోట్ల షేర్ ను రాబట్టిందని ట్రేడ్ వర్గాలు చెబుతున్నాయి. అఆ తర్వాత నితిన్ కెరీర్ లో అత్యధిక తొలిరోజు వసూళ్లు రాబట్టిన చిత్రంగా భీష్మ నిలిచింది. వీకెండ్ కావడంతో భీష్మ వసూళ్లు మరింతగా పెరిగే అవకాశాలు కనిపిస్తున్నాయి. పోటీలో మరో హిట్ చిత్రం లేకపోవడం భీష్మకి కలిసొచ్చే విషయమే. మొత్తానికి.. పెళ్లికి ముందు నితిన్ సక్సెస్ ట్రాక్ లోకి తీసుకొచ్చిన చిత్రంగా భీష్మ నిలిచిందని చెప్పవచ్చు.