ట్రంప్’కు రాష్ట్రపతి విందు.. సీఎం కేసీఆర్’కు ఆహ్వానం

అగ్రరాజ్యం అమెరికా అధ్యక్షుడు డొనాల్డ్ ట్రంప్ భారత పర్యటనకి విచ్చేయనున్న సంగతి తెలిసిందే. ఇందుకోసం భారీ ఏర్పాట్లు చేస్తోంది మోడీ ప్రభుత్వం. మన కంపు ట్రంపుకి కనబడకుండా తగిన చర్యలు తీసుకుంటోంది. అంతేకాదు.. పలు వాణిజ్య ఒప్పందాలని చేసుకోనుంది. ఇక ఈ పర్యటనలో భాగంగా ఈ నెల 25న ట్రంప్ కి భారత రాష్ట్రపతి రామ్ నాథ్ కోవింద్ గౌరవ విందును ఇవ్వనున్నారు.
 
ఈ విందు కార్యక్రమానికి పలు రాష్ట్రాల ముఖ్యమంత్రులను రాష్ట్రపతి ఆహ్వానించారు. ఇందులో భాగంగా తెలంగాణ ముఖ్యమంత్రి కేసీఆర్ కు రాష్ట్రపతి కార్యాలయం నుంచి ఆహ్వానం అందినట్టు సమాచారమ్. బీహార్, ఒడిశా, కర్ణాటక, హర్యాణా, మహారాష్ట్ర ముఖ్యమంత్రులకు కూడా ఆహ్వానం అందినట్టు తెలుస్తోంది. మరీ.. ట్రంపుతో విందుకు సీఎం కేసీఆర్ హాజరవుతారా.. ? లేక తెలంగాణ ప్రభుత్వం తరుపున ఇంకెవరినైనా పంపుతారా ?? అన్నది చూడాలి.