బాహుబలి పాటకు ట్రంప్ స్టెప్పులు
అగ్రరాజ్యం అమెరికా అధ్యక్షుడు డొనాల్డ్‌ ట్రంప్ రేపు భారత పర్యటనకు విచ్చేయనున్న సంగతి తెలిసిందే. అహ్మదాబాద్‌లోని మొతెరా స్టేడియంలో ‘నమస్తే ట్రంప్’ పేరుతో ఆహ్వాన కార్యక్రమాన్ని నిర్వహించనున్నారు. ఈ కార్యక్రమంలో ‘బాహుబలి’ పాటలు మారుమోగనున్నాయి. అంతేకాదు.. బాహుబలిలోని ఓ పాటకి ట్రంప్ తో స్టెప్పులేయించేందుకు ప్రయత్నిస్తా అంటున్నారు గాయకుడు కైలాశ్‌ ఖేర్‌.
ఈ కార్యక్రమంలో ట్రంప్ రాకకు గౌరవంగా ‘బాహుబలి’ చిత్రంలోని ‘జై జై కారా (దండాలయ్య)’ అనే పాటను దాదాపు లక్షా పాతిక వేల మందితో కలిసి అలపించనున్నట్లు ప్రముఖ గాయకుడు కైలాశ్‌ ఖేర్‌ చెప్పారు. అంతేకాకుండా ప్రధాని నరేంద్రమోదీ, ట్రంప్ స్టేడియంలోకి రాగానే గౌరవ సూచికంగా ‘బాహుబలి’ చిత్రంలోని మరో పాటను కూడా ఆలపించనున్నట్లు ఖేర్‌ వెల్లడించారు. ఇక బాహుబలి సినిమాకి సంబంధించిన ఓ మార్పింగ్ వీడియాని ట్రంప్ రీ ట్విట్ చేసిన సంగతి తెలిసిందే. ఇప్పుడీ వీడియో సోషల్ మీడియాలో వైరల్ అవుతోంది.
