వంశీతో మహేష్ సినిమా వాయిదా ?
ఈ యేడాది ‘సరిలేరు నీకెవ్వరు’ సినిమాతో బ్లాక్ బస్టర్ హిట్ అందుకున్నారు సూపర్ స్టార్ మహేష్ బాబు. అనిల్ రావిపూడి దర్శకత్వంలో మహేష్-రష్మిక మందన జంటగా నటించిన చిత్రం సరిలేరు నీకెవ్వరు. లేడీ సూపర్ స్టార్ విజయశాంతి కీలక పాత్రలో నటించారు. సంక్రాంతి కానుకగా ప్రేక్షకుల ముందుకొచ్చిన సరిలేరు బ్లాక్ బస్టర్ హిట్ అయింది.
ఈ సినిమా తర్వాత వంశీపైడిపల్లి దర్శకత్వంలో మహేష్ సినిమా తెరకెక్కాల్సి ఉంది. మహేశ్‌ కోసం గ్యాంగ్‌స్టర్‌ నేపథ్యంలో సాగే ఓ కథను వంశీ రాశారట.అయితే ఈ కథ మహేశ్‌కు అంతగా నచ్చలేదని టాలీవుడ్‌లో టాక్‌ వినిపిస్తుంది. అంతేకాకుండా వంశీ కథలోని కథానాయకుడి పాత్ర కూడా మహేశ్‌కు అంతగా నచ్చలేదట.. దీంతో స్ర్కిప్ట్‌పై మరోసారి వర్క్‌ చేయమని వంశీకి మహేశ్‌ సూచించారట. ఈ నేపథ్యంలో వంశీతో మహేష్ సినిమా వాయిదా పడిందనే వార్తలు వినిపిస్తున్నాయి. మరీ… ఈ గ్యాప్ లో మహేష్ మరో దర్శకుడితో సినిమా చేస్తారా ? లేక వంశీ కోసం వెయిట్ చేస్తారా ?? అన్నది చూడాలి.
ఇక వంశీపైడిపల్లి మహేష్ కలయికలో వచ్చిన మహర్షి బ్లాక్ బస్టర్ హిట్ అయింది. అంతేకాదు.. ఈ సినిమాతో మహేష్-వంశీ మంచి స్నేహితులుగా మారారు. మహర్షి సినిమా సమయంలోనే వంశీతో మరో సినిమా చేస్తానని మహేష్ మాటిచ్చిన సంగతి తెలిసిందే. ఆ మాటని నిలబెట్టుకుంటూ వంశీకి మరో ఛాన్స్ ఇచ్చాడు మహేష్. కానీ, మహేష్ మెచ్చే కథని రెడీ చేయడంలో వంశీ ఫెయిల్ అయినట్టు తెలుస్తోంది.
