ఇంట్లో రామ్ చరణ్.. ఇలా ఉంటారబ్బా !
మెగా పవర్ స్టార్ రామ్ చరణ్ సతీమణి ఉపాసన మరోసారి అభిమానులకి ఖుషి చేసింది. ఆమె భర్త రామ్ చరణ్ కి సంబంధించి ఆసక్తికర విషయాలని అభిమానులతో షేర్ చేసుకుంటూ ఉంటుంది. తాజాగా రామ్ చరణ్ ఫోటో ఒకటి ఉపసాన తన ట్విట్టర్ ఖాతాలో పోస్ట్ చేసింది. ఆదివారం కావడంతో చరణ్ తన కుక్కపిల్లతో ఆడుకుంటూ ఉండగా తీసిన పిక్ అది. ఇందులో చరణ్ లుంగీ కట్టుకొని ఉన్నారు. ఆ పిక్ చూడ్డానికి అదిరిపోయింది.
ప్రస్తుతం రామ్ చరణ్ ‘ఆర్ఆర్ఆర్’ సినిమాతో బిజీగా ఉన్నారు. ఇందులో ఆయన అల్లూరి సీతారామరాజు పాత్రలో కనిపించనున్నారు. ఆయనకి జంటగా బాలీవుడ్ బ్యూటీ అలియా భట్ నటిస్తున్నారు. ఇక కొమరం భీమ్ పాత్రలో ఎన్టీఆర్ నటిస్తున్నారు. ఆయనకి జంటగా హాలీవుడ్ హీరోయిన్ ఓలివియా మోరీస్ నటిస్తున్నారు. బాహుబలి తర్వాత రాజమౌళి చేస్తున్న సినిమా కావడంతో ఆర్ఆర్ఆర్ పై ప్రేక్షకుల్లో భారీ అంచనాలున్నాయి. ఇక ఆర్ ఆర్ ఆర్ తర్వాత విక్రమ్ కె కుమార్ దర్శకత్వంలో రామ్ చరణ్ సినిమా ఉంటుందనే ప్రచారం జరుగుతోంది. దీనిపై అధికారిక ప్రకటన రావాల్సి ఉంది.
Now that’s what I call
unconditional love !
Super chilled Sunday with my boys
❤️❤️❤️❤️ #ramcharan #brat pic.twitter.com/GJPcCY7FSj— Upasana Konidela (@upasanakonidela) February 23, 2020
