నాని సూపర్ హిట్

ఆ తరానికి మెగాస్టార్ చిరంజీవి, ఈ తరానికి నేచురల్ స్టార్ నాని. ఎలాంటి సినీ బ్యాక్ గ్రౌండ్ లేకుండా వచ్చిన చిరంజీవి.. మెగాస్టార్ అయ్యాడు. తెలుగు తెరను ఏలాడు. ఎందరికో ఆదర్శంగా నిలిచాడు. మెగా హీరోలకి రాజబాట వేశాడు. అయితే ఈ తరానికి మాత్రం నేచురల్ స్టార్ నానినే ఆదర్శం. ఆయన ఎలాంటి సినీ నేపథ్యంలో లేకుండా వచ్చారు. నేచురల్ స్టార్ అనిపించుకున్నాడు.

కథల ఎంపికనే నాని బలం. కెరీర్ మొదట్లో అసిస్టెంట్ దర్శకుడిగా పనిచేశారు నాని. బాపు దగ్గర శిష్యరికం చేశారు. దాంతో కథల ఎంపిక విషయంలో ఆయనకి మంచి అభిరుచి ఏర్పడి ఉండవచ్చు. అలాగని నాని స్లో కాదు. యేడాదికి మూడ్నాలుగు సినిమాలు. చేసినవన్నీ సూపర్ హిట్టు అన్నట్టుగా ఉంటుంది నాని తీరు. ఇండస్ట్రీ డబుల్ హ్యాట్రిక్ కొట్టిన ఏకైక హీరో నానినే.

అష్టాచమ్మాతో హీరోగా పరిచమయ్యారు నాని. ఆ తర్వాత  రైడ్‌, భీమిలి కబడ్డీ జట్టు, అలా మొదలైంది, పిల్ల జమీందార్‌, ఈగ, ఎవడే సుబ్రమణ్యం, భలేభలే మగడివోయ్‌, జెంటిల్‌ మెన్‌, నేను లోకల్‌, నిన్నుకోరి, ఎంసీఏ, జెర్సీ సినిమాల్లో నటించారు. ప్రస్తుతం శివ నిర్వాణ దర్శకత్వంలో ‘టక్ జగదీష్’ సినిమాలో నటిస్తున్నారు. ఇక ఆయన 27వ సినిమాపై ఈ సాయంత్రం అధికారిక ప్రకటన రానుంది. ఈ చిత్రాన్ని సితార ఎంటర్ టైన్ మెంట్ నిర్మించనుంది. ఈరోజు నాని తన 36వ పుట్టినరోజు జరుపుకుంటున్నారు. ఈ సందర్భంగా ఆయన కి శుభాకాంక్షలు తెలియజేస్తోంది.. మీ టీఎస్ మిర్చి డాట్ కామ్.