పూజాకి చెక్ పెట్టిన రస్మిక

టాలీవుడ్ లో హీరోయిన్స్ కొరత ఉంది. ఇంకా చెప్పాలంటే స్టార్ హీరోయిన్స్ కొరత ఎక్కువగా ఉంది. స్టార్ హీరోల కోసం ఆ రేంజ్ హీరోయిన్ దొరకడం లేదు. దీంతో ఒకే హీరోయిన్ ని ఒకటికి రెండు సార్లు రిపీట్ చేస్తున్నారు. ఇలా రిపీట్ చేస్తున్న హీరోయిన్స్ లలో పూజా హెగ్డే ఒకరు. ఆమె వరుసగా స్టార్ హీరోలతో జతకడుతోంది. ఇప్పటికే టాలీవుడ్ స్టార్ హీరోలరో ఓ రౌండ్ వేసేసింది.

ఇప్పుడు రెండో రౌండ్ కి రెడీ అవుతోంది. ఇప్పటికే స్టయిలీష్ స్టార్ అల్లు అర్జున్ తో రెండోసారి రొమాన్స్ చేసింది. డీజే, అల.. వైకుంఠపురంలో సినిమాల్లో బన్నీ-పూజా జంటగా నటించారు. ఎన్టీఆర్-పూజా జంటగా అరవింద సమేత సినిమా వచ్చేసింది. త్రివిక్రమ్-తారక్ కాంబోలో రాబోతున్న రెండో సినిమాలో కూడా హీరోయిన్ గా పూజానే అనుక్కొన్నారు. కానీ, ఆమెకి ప్రత్యామ్నాయంగా రష్మిక మందన కనిపిస్తుండటంతో.. అటు వైపు చూస్తున్నారు.

ఛలో సినిమాతో తెలుగు తెరకు పరిచయమైన రస్మిక గీత గోవిందం, డియర్ కామ్రేడ్, సరిలేరు నీకెవ్వరు, భీష్మ సినిమాలతో స్టార్ హీరో హీరోయిన్ లిస్టులో చేరేందుకు రెడీగా ఉంది. సుకుమార్-బన్నీ సినిమాలోనూ రస్మకనే హీరోయిన్. ఇక త్రివిక్రమ్-తారక్ రెండో సినిమా కోసం పూజా హెగ్డేని రిపీట్ చేద్దామనుకొన్నవారు.. ఇప్పుడు రస్మిక వైపు చూస్తున్నారు. ఈ నేపథ్యంలోనే టాలీవుడ్ లో పూజాకి రస్మిక చెక్ పెట్టినట్టేనని చెప్పుకొంటున్నారు.