బ్రేకింగ్ : భారత్ లో దిగిన ట్రంప్ 

అగ్రరాజ్యం అమెరికా అధ్యక్షుడు డొనాల్డ్ ట్రంప్ భారత్ కు చేరుకున్నారు. ఆయనకి అహమ్మదాబాద్ ఎయిర్ పోర్ట్ లో ప్రధాని నరేంద్రమోడీ ఘన స్వాగతం పలికారు. 36 గంటల పాటు ట్రంప్ భారత్ లో ఉండనున్నారు. మొదట సబర్మతి ఆశ్రమాన్ని సందర్శించి.. అక్కడి నుంచి మోతేరా స్టేడియానికి 22 కిలీమీటర్ల రోడ్ షో ర్యాలీలో పాల్గొననున్నారు. 

ఈ నేపథ్యంలో ట్రంప్ కి అడుగడుగున స్వాగతం పలికేలా హోర్డింగులు, ప్లకార్డులు, స్టేజీలపై నృత్యాలను ఏర్పాటు చేశారు. మధ్యాహ్నం 12.30కి ‘నమస్తే ట్రంప్’ కార్యక్రమం మొదలవుతుంది. అది పూర్తయిన తర్వాత మధాహ్నం 3.30కి ట్రంప్ ఫ్యామిలీతో కలిసి ఆగ్రాకు బయల్దేరతారు. సాయంత్రం 4.45కు ఆగ్రాకు చేరుకుని తాజ్‌మహల్‌ని సందర్శిస్తారు.