థమన్’ని టెన్షన్ పెట్టిన పవన్

పవర్ స్టార్ పవన్ కల్యాణ్ సినిమాకి సంగీతం అందించాలన్నది సంగీత దర్శకుడు థమన్ చిరకాల కోరికట. ఇప్పుడా కోరిక తీరబోతున్న సంగతి తెలిసిందే. పింక్ రిమేక్ తో పవన్ సినిమాల్లోకి రీ ఎంట్రీ ఇస్తున్న సంగతి తెలిసిందే. ఈ చిత్రానికి యువ దర్శకుడు వేణు శ్రీరామ్ దర్శకత్వం వహిస్తున్నారు. బోనీ కపూర్ తో కలిసి దిల్ రాజు నిర్మిస్తున్నారు. ఈ సినిమాకి సంగీతం అందిస్తున్నారు. ఇప్పటికే పని మొదలెట్టాడు. తొలి పాటని రెడీ చేశాడు కూడా. త్వరలోనే విడుదల చేయబోతున్నారు.

ఇటీవలే పవన్ ని కలిసి తొలి పాటని వినిపించాడట థమన్. ఆ సమయంలో కలిగిన అనుభూతిని థమన్ ట్విట్టర్ వేదికగా అభిమానులతో పంచుకొన్నారు. “కలలు కన్న రోజు ఇది. నేను ఎప్పటి నుండో ఎవరితో పని చేయాలనుకుంటున్నానో, ఎవరికి సంగీతం అందించాలనుకుంటున్నానో ఆయన్ని కలిశా. నేను స్వరపరిచిన పాటలను ఆయనకు వినిపించా. నెర్వస్‌గా ఫీలయ్యా. ప్రేమ, ఒత్తిడిలో విపరీతంగా చెమటలు పట్టేశాయ్. ఫైనల్లీ… అదంతా ప్రేమ, గౌరవమే. త్వరలో తొలి పాటతో మేం మీ ముందుకు వస్తున్నాం. లవ్యూ సార్‌” అని థమన్ రాసుకొచ్చారు.

What a dream day met the person I wanted to work and make music .I played him the songs I composed 🎧
Felt So nervous & was sweating like anything in tension love & pressure ♥️
Finally it was all love & respect ✊
We r coming soon with our #firstsingle

Love u sir ♥️

Godbless

— thaman S (@MusicThaman) February 24, 2020