ఎవరీ..సోలోమన్ ? మహేష్ సినిమాతో కనెక్షన్ ఏంటీ ??
మహేష్-వంశీ పైడిపల్లి కాంబోలో రావాల్సిన రెండో సినిమా వాయిదా పడిందనే వార్తలొస్తున్న సంగతి తెలిసిందే. ఇందుకు ఫైనల్ స్క్రిప్ట్ మహేష్ కి నచ్చకపోవడమే కారణమనే వార్తలు వినిపిస్తున్నాయి. ఇంకా చెప్పాలంటే.. మహేష్-వంశీ సినిమా ఆగిపోవడానికి కింగ్ నాగార్జున దర్శకుడు అశిషోర్ సోలోమన్ నే కారణమని చెప్పుకొంటున్నారు.
ఇంతకీ మహేష్ సినిమాకి సోలోమన్ కి లింక్ ఏంటీ అంటే.. ? సోలోమన్ వంశీ పైడిపల్లి దగ్గర పనిచేసిన అసిస్టెంట్ డైరెక్టర్. ఊరిపి, మహర్షి సినిమాలు హిట్ కావడంలో సోలోమెన్ కీలక పాత్ర వహించారని చెబుతుంటారు. ఈ రెండు సినిమాలకి ఆయనే స్క్రిప్ట్ అందించారని.. ఆయన వంశీ పైడిపల్లి సాయం మాత్రమే చేశారని చెప్పుకొంటున్నారు. ఇప్పుడు సోలోమన్ కింగ్ నాగార్జున హీరో ‘వైల్డ్ డాగ్’ సినిమాని తెరకెక్కిస్తున్నారు. సోలోమన్ తో కలిసే వంశీ మహేష్ స్క్రిప్ట్ పనులు మొదలెట్టాడు.
ఇంతలో నాగ్ సినిమా డైరెక్ట్ చేసే ఛాన్స్ రావడంతో మధ్యలోనే వెళ్లిపోయాడు. ఇక సింగిల్ గా వంశీ రెడీ చేసిన స్క్రిప్ట్ మహేశ్ కి నచ్చలేదు. దాంతో పరోక్షంగా మహేష్ సినిమా వాయిదా పడటానికి సోలోమన్ కారణమని ఇండస్ట్రీలో చెప్పుకుంటున్నారు.
