ట్రంప్ ని ముందే రప్పించిన మోడీ

అగ్రరాజ్యం అమెరికా అధ్యక్ష స్థానానికి త్వరలో ఎన్నికలు జరగనున్న సంగతి తెలిసిందే. ఆ ఎన్నికలు పూర్తయిన తర్వాతే ట్రంప్ భారత పర్యటనకి వద్దామనుకొన్నారట. ఇదే విషయాన్ని ప్రధాని నరేంద్ర మోడీతో చెబితే.. ఆయన ఒప్పుకోలేదట. మీరు ఇప్పుడే భారత పర్యటనకి రావలని మోడీ పట్టుబట్టారట. రాష్ట్రపతి భవన్ లో విందు సందర్భంగా ట్రంప్ ఈ విషయాన్ని చెప్పాడు.

తాను అమెరికా అధ్యక్ష ఎన్నికల తర్వాతే భారత పర్యటనకు రావాలనుకున్నానని.. కానీ, మోదీకి తన ఆలోచన నచ్చలేదని చెప్పారు. అందుకే ఇప్పుడే వచ్చేశానని తెలిపారు. ఇక రెండు రోజుల భారత పర్యటన అద్భుతంగా సాగిందన్నారు. మోతెరా స్టేడియంలో జరిగిన నమస్తే ట్రంప్ సభ అత్యద్భుతంగా సాగిందన్నారు. లక్షా 25 వేల మంది హాజరుకావడం మరచిపోలేని అనుభూతినిచ్చిందన్నారు. ఇంకా వేలాది మంది స్టేడియం వెలుపల వేచి చూసినట్లు తన దృష్టికి వచ్చిందని తెలిపారు.