సీఎం కేసీఆర్’ని అభినందించిన ట్రంప్
అమెరికా అధ్యక్షుడు డొనాల్డ్ ట్రప్ నుంచి సీఎం కేసీఆర్ కు అభినందన దక్కింది. రాష్ట్రపతిభవన్ లో మంగళవారం రాత్రి నిర్వహించిన విందు సందర్భంగా.. ట్రంప్ తో కేసీఆర్ కరచాలనం చేశారు. తనని తాను పరిచయం చేసుకున్నారు. ఈ సందర్భంగా జీఈఎస్ గురించి ట్రంప్ ప్రస్తావించారు. జీఈఎస్ కు మీ ఆతిథ్యం బాగుందని ట్రంప్ ముఖ్యమంత్రి కేసీఆర్ ను అభినందించారు.
ఈ సందర్భంగా కేసీఆర్ మాట్లాడుతూ.. ‘సదస్సుకు మీరు హాజరవుతారని భావించాం. ఇవాంక వచ్చి అందరినీ ఆకట్టుకున్నారు’ అని పేర్కొన్నట్లు తెలిసింది. సదస్సుకు రావాలని తాను ప్రయత్నించినా సాధ్యం కాలేదని ట్రంప్ సమాధానమిచ్చినట్లు సమాచారం. ఇక సీఎం కేసీఆర్.. ట్రంప్ కు చార్మినార్ కళాకృతిని అందజేసినట్లు తెలిసింది. ఆయన సతీమణి మెలనియాకు ఎర్రరంగు పోచంపల్లి పట్టుచీరను బహూకరించినట్లు సమాచారం.
