డేంజర్ : తెలంగాణలో తొలి కరోనా కేసు నమోదు

ప్రపంచ దేశాలని వణికిస్తోన్న కరోనా కేసు తెలంగాణ రాష్ట్రంలోకి వ్యాప్తించింది. తెలంగాణలో తొలి కరోనా కేసు నమోదైంది. దుబాయ్ నుంచి హైదరాబాద్‌కి వచ్చిన ఓ వ్యక్తికి కరోనా వైరస్ ఉందని తేలింది. అలాగే ఢిల్లీలో మరో వ్యక్తికి కరోనావైరస్ సోకిందని తేలింది. అతడు ఇటలీ నుంచి ఢిల్లీకి వచ్చాడనికేంద్ర వైద్యఆరోగ్యశాఖ ప్రకటించింది.

ఇక ప్రపంచ వ్యాప్తంగా కరోనావైరస్ మరణాల సంఖ్య 3వేలు దాటింది. తాజాగా చైనాలో 42 మంది చనిపోయినట్టు అధికారులు ధ్రువీకరించారు. ప్రపంచ వ్యాప్తంగా ఇప్పటి వరకు 90వేల కేసులు నమోదయ్యాయి. ప్రస్తుతం చైనాలో కంటే ప్రపంచవ్యాప్తంగా ఇతర దేశాల్లోనే ఈ వైరస్ వ్యాప్తి చాలా వేగంగా ఉంది .ఇటలీ, బ్రిటన్‌, దక్షిణ కొరియాలో కరోనా వేగంగా వ్యాపిస్తోంది.