ఐపీఎల్-13 రద్దుపై గంగూలీ ప్రకటన
ప్రస్తుతం భారత్‌లో కరోనా వైరస్‌ విస్త్రృతంగా వ్యాపిస్తోంది. ఇప్పటివరకు 31 కేసులు నమోదవ్వడంతో ప్రజలు తీవ్ర భయాందోళనకు గురవుతున్నారు. ఈ నేపథ్యంలో త్వరలో ప్రారంభం కానున్న ఐపీఎల్13 సీజన్ రద్దయ్యే అవకాశాలున్నాయనే ప్రచారం జరుగుతున్న సంగతి తెలిసిందే. తాజాగా ఈ ప్రచారంపై బీసీసీ అధ్యక్షుడు సౌరభ్‌ గంగూలీ స్పందించారు.
కరోనా వైరస్‌ విజృంభిస్తున్నా ఐపీఎల్ యథావిధిగా కొనసాగుతుందని గంగూలీ స్పష్టం చేశారు. ఈ టోర్నీ సజావుగా సాగేందుకు అవసరమైన అన్ని చర్యలు తీసుకుంటున్నామన్నారు. కాగా, మార్చి 29 నుంచి ప్రారంభంకానున్న ఐపీఎల్‌లో చెన్నై సూపర్‌ కింగ్స్‌, ముంబయి ఇండియన్స్‌ తొలి మ్యాచ్‌లో తలపడనున్నాయి.
