గుండెకు చెమటలు పడుతుంటే.. ధక్ ధక్ ధక్ !

మెగా ఫ్యామిలీ నుంచి మరో హీరో వస్తున్న సంగతి తెలిసిందే. మెగా యంగ్ హీరో సాయిధరమ్ తేజ్ తమ్ముడు వైష్ణవ్ తేజ్ ‘ఉప్పెన’ సినిమాతో హీరోగా ఎంట్రీ ఇస్తున్నారు. ఈ చిత్రానికి కథ-స్క్రీన్ ప్లే సుకుమార్ అందించారు. ఆయన శిష్యుడు బుచ్చిబాబు దర్శకత్వం వహించారు. వైష్ణవ్ తేజ్ సరసన కృతి శెట్టి నటిస్తున్నారు. తమిళ స్టార్ నటుడు విజయ్ సేతుపతి విలన్‌గా నటించారు. మైత్రీ మూవీ మేకర్స్, సుకుమార్ రైటింగ్స్ ఈ మూవీని సంయుక్తంగా నిర్మిస్తున్నారు. ఏప్రిల్ 2న ఉప్పెన ప్రేక్షకుల ముందుకు రానుంది.

ఈ నేపథ్యంలో సినిమా ప్రమోషన్స్ ని మొదలెట్టించి చిత్రబృందం. ఇటీవలే.. ఉప్పెన తొలిపాట ‘నీ కన్ను నీలి సముద్రం.. ‘ విడుదల చేశారు. దానికి మంచి స్పందన దక్కింది. తాజాగా ఉప్పెన నుంచి రెండో పాట ‘ధక్ ధక్ ధక్ .. ‘ని విడుదల చేశారు. ఈ పాటని చంద్రబోస్ రాశారు. శరత్ సంతోష్, హరిప్రియ కలిసి ఆలపించారు. దేవిశ్రీ ప్రసాద్ సంగీతం అందించారు. మ్యూజిక్‌కు సౌండ్ ఎఫెక్ట్స్‌ను మిక్స్ చేస్తూ వచ్చిన ఈ పాట అదరిపోయింది. ప్రేమికుల గుండె చప్పుడుని వినిపించింది. ఈ పాటని మీరు ఓ సారి వినేయండీ.. !