ప్రభాస్-నాగ్ అశ్విన్ సినిమా.. మరో ‘ఆదిత్య 369’ !

నాగ్ అశ్విన్ దర్శకత్వంలో ప్రభాస్ సినిమా రాబోతున్న సంగతి తెలిసిందే. సైన్స్ ఫిక్షన్ కథతో ఈ సినిమా తెరకెక్కనుందనే ప్రచారం జరుగుతోంది. ఇంకా చెప్పాలంటే.. ? ఇది ఆదిత్య 369 లాంటి సినిమా అట. సినిమాలో అటు అలనాటి చక్రవర్తుల కాలం, అలాగే ఫ్యూచర్ ఫాంటసీ కూడా కలిసి వుంటాయని టాక్. కథ ముందుకు వెనక్కు కూడా వెళ్లి వస్తుందన్నమాట.

ఈ సినిమాలో ఫుల్ యాక్షన్ ఓరియెంటెడ్ గా వుంటుదట. ఫైట్లు చాలా కీలకంగా వుంటాయట. దర్వకుడు నాగ్ అశ్విన్ ఈ సినిమాను 80శాతం వరకు గ్రీన్ మ్యాట్ లోనే తీస్తారని తెలుస్తోంది. ఈ ఏడాది లో రెండు సార్లు 15 రోజుల వంతున ప్రభాస్ డేట్ లు ఈ సినిమాకు కేటాయిస్తున్నారు. ఈ ముఫై రోజుల్లో కూడా ప్రభాస్ చేయబోయే గ్రీన్ బ్యాక్ డ్రాఫ్ ఫైట్లనే చిత్రీకరిస్తారట. అలా అయితే సిజి వర్క్ కు కంటెంట్ ముందుగా పంపేయవచ్చు అని ప్లాన్ చేస్తున్నారు. దాదాపు రూ. 200కోట్ల బడ్జెట్ తో ఈ సినిమా తీసుకురానున్నారు. ఈ సినిమా కోసం ప్రభాస్ కి రూ. 100కోట్ల పారితోషికం తీసుకోనున్నట్టు చెబుతున్నారు.