బుల్లి తారక్ వదిలితే దూకేసేలా ఉన్నాడు
యంగ్ టైగర్ ఎన్టీఆర్ ట్విట్టర్ వేదికగా అభిమానులకి హోలీ శుభాకాంక్షలు తెలిపారు. ఈ సందర్భంగా ఇద్దరు తనయులు, భార్య ప్రణీతో కలిసి హోలీ సెలబ్రేషన్స్ జరుపుకుంటున్న ఫోటో ఒకటి షేర్ చేశారు. ఈ ఫ్యామిలీ ఫోటోలో తారక్ తనయులు ముద్దొస్తున్నారు. వీరిని చూసి నందమూరి అభిమానులు మురిసిపోతున్నారు. దర్శకుడు హరీష్ శంకర్ ఈ ఫోటోపై ఆసక్తికర కామెంట్ చేశాడు. ‘కెమెరా ముందు బుల్లి ఎన్టీఆర్ ప్రత్యేకంగా కనిపిస్తున్నాడు. వదిలితే.. దూకేసేలా ఉన్నాడు’ అంటూ కామెంట్ చేశాడు.
ప్రసుతం ఎన్టీఆర్ ‘ఆర్ఆర్ఆర్’ సినిమాతో బిజీగా ఉన్నారు. బాహుబలి తర్వాత రాజమౌళి తెరకెక్కిస్తున్న చిత్రమిది. స్వాతంత్య్ర సమరయోధులు కొమరం భీం, అల్లూరి సీతారామరాజుల కథతో ఆర్ఆర్ఆర్ తెరకెక్కుతోంది. ఇందులో తారక్ కొమరం భీమ్ గా, ఆయనకి జంటగా హాలీవుడ్ ఓలివియా మోరీస్ నటిస్తున్నారు. అల్లూరి సీతారామరాజుగా రామ్ చరణ్, ఆయనకి జంటగా బాలీవుడ్ బ్యూటీ అలియా భట్ నటిస్తున్నారు. ఈ చిత్రానికి కీరవాణి సంగీతం అందిస్తున్నారు. వచ్చే యేడాది జనవరి 8న ఆర్ ఆర్ ఆర్ ప్రేక్షకుల ముందుకు రానుంది.
ఇక ఆర్ ఆర్ ఆర్ తర్వాత త్రివిక్రమ్ దర్శకత్వంలో తారక్ సినిమా ఉండనుంది. ఇది మెగాస్టార్ చిరంజీవి మంత్రిగారి వియ్యంకుడు సినిమాని స్పూర్తిగా తీసుకొని రాసుకున్న కథతో తెరకెక్కనుంది. ఇందులో తారక్ పొలిటీషన్ గా కనిపించబోతున్నాడు. ఈ సినిమా కోసం అయిననుపోయిరావలెను హస్తినకు అనే టైటిల్ పరిశీలనలో ఉన్నట్టు సమాచారమ్.
The way younger one is looking at camera says something …… odilithe ippude dookeselaa unnadu…………… 👌👌👌 https://t.co/k6TDsPbd5X
— Harish Shankar .S (@harish2you) March 10, 2020
