అల్లు అర్జున్ లారీ డ్రైవర్.. నిజమే !
అల్లు అర్జున్-సుకుమార్ కాంబోలో హ్యాట్రిక్ సినిమా రాబోటున్న సంగతి తెలిసిందే. రష్మిక మందన కథానాయిక. కోలీవుడ్ స్టార్ విజయ్ సేతుపతి విలన్ గా కనిపించబోతున్నాడు. హాట్ యాంకర్ అనసూయకి ఈ సినిమాలో కీలక పాత్ర దక్కినట్టు సమాచారమ్. ఇక ఎర్రచందనం స్మగ్లింగ్ నేపథ్యంలో ఈ సినిమా ఉండనుంది. ఇందులో బన్నీ చిత్తూరువాసిగా, లారీ డ్రైవర్ పాత్రలో కనిపిస్తాడనే ప్రచారం జరుగింది. జరుగుతోంది. ఇప్పుడీ ప్రచారం నిజమని తేలింది.
ఇటీవల బన్నీ లారీ డ్రైవింగ్ లో శిక్షణ తీసుకుంటున్నాడట. దీంతో సుకుమార్ సినిమాలో బన్నీ లారీ డ్రైవర్ అన్న విషయం పక్కా అయినట్టయింది. లారీ డ్రైవర్ పాత్రలో లుంగీ కట్టీ, నోట్లో బీడీతో ఊరమాస్ లుక్ లో కనిపిస్తాడట బన్నీ. అంతేకాదు.. చిత్తూరు యాసలో బన్నీ మాటలు సినిమాకే హైలైట్ గా నిలుస్తాయని చెప్పుకొంటున్నారు. హీరోయిన్ రస్మిక కూడా చిత్తూరు అమ్మాయిగా, డీ గ్లామర్ పాత్రలో కనిపించబోతున్నట్టు తెలుస్తోంది. ఈ చిత్రానికి దేవిశ్రీ ప్రసాద్ సంగీతం అందించనున్నారు.
