బెల్లంకొండ ‘అల్లుడు’ సెంటిమెంట్

‘అల్లుడు శ్రీను’గా తెరకు పరిచయం అయ్యారు బెల్లకొండ శ్రీనివాస్. వి.వి వినాయక్ దర్శకత్వంలో వచ్చిన ‘అల్లుడు శ్రీను’ బెల్లకొండలోని మాస్ పవర్ ని చూపించింది. మాస్ హీరోగా బెల్లకొండకి మంచి భవిష్యత్ ఉందని.. ఈ సినిమా చూసిన తర్వాత అందరి నోట వినిపించిన మాట. కానీ మాస్-యాక్షన్ కథలు బెల్లకొండకి హిట్ ఇవ్వలేకపోయాయ్. ఫైనల్ గా రూటు మార్చి చేసిన ‘రాక్షసుడు’తో బెల్లకొండకి తొలి హిట్ ని అందించింది. ఐతే, బెల్లకొండ మరోసారి అల్లుడు సెంటిమెంట్ ని వాడుకొన్నారు.

ప్రస్తుతం సంతోష్ శ్రీనివాస్ దర్శకత్వంలో బెల్లకొండ సినిమా తెరకెక్కుతోన్న సంగతి తెలిసిందే. ఇది కందిరీగ సీక్వెల్ అనే ప్రచారం ఉంది. ఈ చిత్రానికి ‘అల్లుడు అదుర్స్’ అనే టైటిల్ ని ఖరారు చేశారు. విలన్స్ మధ్య చేరి వారిని ముప్పులు తిప్పలు పెట్టే కథగా ఈ సినిమా తెరకెక్కుతున్నట్టు తెలుస్తోంది. ఈ సినిమాలో బెల్లకొండకి జంటగా న‌భా న‌టేష్‌, అను ఎమ్మాన్యుయేల్ నటిస్తున్నారు.  దేవిశ్రీ ప్రసాద్ సంగీతం అందిస్తున్నారు. సుమంత్ మూవీ ప్రొడ‌క్షన్స్ బ్యాన‌ర్‌పై జి.సుబ్రహ్మణ్యం ఈ చిత్రాన్ని నిర్మిస్తున్నారు .