‘ఆచార్య’ షూటింగ్ ఆపేశారు

కరోనా ప్రభావంతో సినిమా రిలీజ్ డేట్స్, షూటింగ్స్ వాయిదా పడుతున్న సంగతి తెలిసింది. పలు బాలీవుడ్ సినిమాల షూటింగ్స్ వాయిదా పడుతున్నట్టు శనివారం అధికారిక ప్రకటనలు వచ్చేశాయి. టాలీవుడ్ సినిమాల షూటింగ్స్ కూడా వాయిదా పడుతున్నాయి. కరోనా ఎఫెక్ట్ తో మెగాస్టార్ చిరంజీవి ‘ఆచార్య’ సినిమా వాయిదాపడింది. ఈ విషయాన్ని స్వయంగా చిరునే తెలిపారు.

సినిమా షూటింగ్స్ లో కూడా చాలామంది సాంకేతిక నిపుణులు పనిచేయాల్సి ఉంటుంది. వారి ఆరోగ్యాన్ని దృష్టిలో ఉంచుకొని 10 నుంచి 15రోజుల పాటు సినిమా షూటింగ్స్ వాయిదా వేస్తే బాగుంటుందని భావిస్తున్నాని చిరు అన్నారు. తన తాజా సినిమా ఆచార్య సినిమాని వాయిదా వేసినట్టు చిరు తెలిపారు. సినిమా షూటింగ్ వాయిదా వేద్దామని అడగగానే దర్శకుడు కొరటాల అంగీకరించారని చిరు అన్నారు. 

కొరటాల శివ దర్శకత్వంలో మెగాస్టార్ చిరంజీవి ఆచార్య తెరకెక్కుతోంది. ఈ సినిమా కోసం త్రిషని హీరోయిన్ గా తీసుకున్నారు. అయితే క్రియేటివిటీ డిఫరెన్సెస్ వలన ఆమె సినిమా నుంచి తప్పుకున్నట్టు తెలిపారు. దీంతో త్రిష స్థానంలో మరో హీరోయిన్ ని తీసుకొనే ప్రయత్నాల్లో చిత్రబృందం ఉంది. ఈ క్రమంలో కాజల్ ని సంప్రదించినట్టు.. చర్చలు జరుగుతున్నట్టు తెలుస్తోంది.