ప్రభాస్ సినిమా షూటింగ్ ఆపేశారా ?

సినీ ఇండస్ట్రీని కరోనా గజ గజ వణికిస్తోంది. కరోనా ప్రభావంతో సినిమా షూటింగ్స్, రిలీజ్ డేట్స్, సినీ ఫంక్షన్స్ వాయిదా పడ్డాయి. ఆఖరికి థియేటర్స్ కూడా బంద్ అయ్యాయ్. కానీ యంగ్ రెబల్ స్టార్ ప్రభాస్ మాత్రం కరోనాకి భయపడలేదు. రాధాకృష్ణ దర్శకత్వంలో ప్రభాస్ నటిస్తున్న సినిమా ఇటీవలే జార్జియాలో షూటింగ్ పూర్తి చేసుకొని తిరిగొచ్చింది. అయితే షెడ్యూల్ కంటే రెండ్రోజుల ముందే చిత్రబృందం తిరిగిరావడంతో.. అక్కడ ఈ సినిమా షూటింగ్ ని ఆడ్డుకున్నారు అనే ప్రచారం జరుగుతోంది.

తాజాగా ఈ ప్రచారంపై దర్శకుడు రాథాకృష్ణ స్పందించారు. ‘జార్జియా షెడ్యూల్‌ను ఎవరూ ఆపలేదు. అనుకున్న దానికంటే రెండు రోజుల ముందు జార్జియా షూటింగ్‌ పూర్తయింది. అక్కడ షూట్‌ చేయాల్సిందంతా విజయవంతంగా చేశాకే తిరిగి ఇంటికి వచ్చాం. అన్నీ జాగ్రత్తలు తీసుకునే షూటింగ్‌లో పాల్గొన్నాం. మాస్క్‌లు ధరించి, చేతులు తరచూ శుభ్రం చేసుకున్నాం. శరీర ఉష్ణోగ్రతను చెక్‌ చేసుకుంటూనే ఉన్నాం’ అని చెప్పారు.