పోలీసుల అదుపులో విదేశీయులు

తెలంగాణ ప్రభుత్వం విదేశీయులని టార్గెట్ చేసిన సంగతి తెలిసిందే. కరీంనగర్‌లో పర్యటించిన ఇండోనేషియా వాసులకు కరోనా సోకినట్లు నిర్ధారణ కావడంతో విదేశీయులు పర్యటించిన ప్రాంతాలను జల్లెడపడుతున్నారు. ఇందులో భాగంగా నల్గొండ జిల్లాలో పర్యటిస్తున్న 14 మంది విదేశీయులను పోలీసులు అదుపులోకి తీసుకున్నారు. వారిని సికింద్రాబాద్‌ గాంధీ ఆసుపత్రిలోని ఐసోలేషన్‌ వార్డుకు తరలించారు. 

ఇక ఇప్పటి వరకు తెలంగాణలో16 కరోనా పాజిటివ్‌ కేసులు నమోదయ్యాయి. వివిధ ఆసుపత్రుల్లో చేరిన 47 మంది అనుమానితులు చికిత్స పొందుతున్నారు. ఇక దేశవ్యాప్తంగా కరోనా పాజిటివ్ కేసుల సంఖ్య 171కి చేరింది. కరోనా సోకి ఇప్పటి వరకు ఐదుగురు మృతి చెందారు. ఈ నేపథ్యంలో.. అన్నీ అంతర్జాతీయ విమానాశ్రమాలని మూసేయనున్నారు. ప్రజలు స్వచ్ఛంధంగా జనతా కర్ఫ్యూని పాటించాలని ప్రధాని నరేంద్ర మోడీ పిలుపునిచ్చిన సంగతి తెలిసిందే.