అమెరికా వెళ్లొచ్చి.. బయట స్వేచ్చగా తిరుగుతున్న తెరాస ఎమ్మెల్యే !
సిర్పూర్ ఎమ్మెల్యే కోనప్ప కుటుంబాన్ని క్వారంటైన్ కి తరలించాలని కలెక్టర్ ఆదేశాలు జారీ చేశారు. ఇటీవలే ఎమ్మెల్యే కోనప్ప దంపతులు అమెరికా వెళ్లొచ్చారు. వారికి థర్మల్ స్క్రీనింగ్ చేసి వదిలేసి అధికారులు. దీంతో కోనప్ప స్వేచ్చగా బయట తిరుగుతున్నారు. కాగజ్ నగర్ మున్సిపల్ సమావేశానికి హాజరయ్యారు. ప్రశ్నిస్తే.. బాగానే ఉన్నానుగా.. క్వారంటైన్ కి ఎందుకని ప్రశ్నిస్తున్నారు. ఈ నేపథ్యంలో ఎమ్మెల్యే కోనప్ప దంపతులని క్వారంటైన్ కి తరలించాలని కలెక్టర్ ఆదేశాలు జారీ చేశారు.
ఇటీవల లండన్ వెళ్లొచ్చిన బాలీవుడ్ సింగర్ కనిక కపూర్.. ఆ విషయాన్ని దాచి లక్నోలో ఓ పార్టీకి హాజరైంది. దీంతో ఆ పార్టీకి హాజరైన ఎంపీ దుష్యంత్ సింగ్ కి కరోనా సోకింది. ఆయన పార్లమెంట్ సమావేశాలకి హాజరుకావడంతో.. కేంద్ర మంత్రులు, ఎంపీలు అందరికీ కరోనా పాకే అవకాశాలున్నాయనే భయం నెలకొంది. ఈ నేపథ్యంలో పార్లమెంట్ సమావేశాలని వాయిదా వేయాలనే ఆలోచనలు చేస్తున్నారు.
