శభాష్.. రాచకొండ పోలీస్ ! 

కరోనా కట్టడికి రాచకొండ పోలీసులు తమవంతు కృషి చేస్తున్నారు. కరోనాపై అవగాహన కల్పించే విషయంలో సెలబ్రేటీలని మించిపోతున్నారు. సిగ్నల్ పడిన సమయంలో ట్రాఫిక్ పోలీసులు రోడ్డుపై నిల్చుని ప్రయాణీకులకు చేతులు కడుక్కోవడం గురించి చెప్పిన వీడియో సోషల్ మీడియాలో వైరల్ అయిన సంగతి తెలిసిందే. తాజాగా రాచకొండ పోలీసులు కరోనా కట్టడి జాగ్రత్తలకి సంబంధించి మరో వీడియోని షేర్ చేశారు.

శానిటైజర్ లేకున్నా సబ్బుతో చేతులు కడుక్కోవచ్చని.. దాన్ని అందుబాటులో ఉంచుకోవాలన్న విషయాన్ని చెబుతూ వీడియో షేర్ చేశారు. ”శానిటైజర్ లేకుంటే సబ్బు జేబులో పెట్టుకోండి. ఇప్పుడున్న పరిస్థితుల్లో ఇది అనివార్యం. ఇతరులు ముట్టుకొన్న ఏ వస్తువును తాకినా 20 సెకన్ల పాటు చేతులను వెనుక ముందు కడుక్కోవటం మరువొద్దు” అని ట్విట్టర్‌లో పేర్కొన్నారు.

This video explains how soap kills Corona virus. శానిటైజర్ లేకుంటే సబ్బు జేబులో పెట్టుకోండి. ఇప్పుడున్న పరిస్థితుల్లో ఇది అనివార్యం. ఇతరులు ముట్టుకొన్న ఏ వస్తువును తాకినా 20 సెకన్ల పాటు చేతులను వెనుక ముందు కడుక్కోవటం మరువొద్దు. #Public_health_emergency https://t.co/Vw3ppQpEvV

— Rachakonda Police (@RachakondaCop) March 21, 2020