దేశంలో మరో కరోనా మృతి

దేశంలో కరోనా మృతుల సంఖ్య ఐదుకి చేరింది. ఈరోజు మహారాష్ట్రలో కరోనా సోకిన వ్యక్తి మృతి చెందారు. మహారాష్ట్రలో ఇది రెండో కరోనా మృతి కాగా, దేశంలో కరోనా మృతుల సంఖ్య ఐదుకి చేరింది. మనదేశంలో మహారాష్ట్రలో కరోనా ఎఫెక్ట్ అధికంగా ఉంది. అక్కడ ఇప్పటివరకు 74 కరోనా కేసులు నమోదయ్యాయి. ఇక దేశ వ్యాప్తంగా కరోనా పాజిటివ్ కేసుల సంఖ్య 324కి చేరింది.

రాష్ట్రాలవారీగా చూస్తే.. మహారాష్ట్ర(74), కేరళ (40), ఢిల్లీ (26), ఉత్తరప్రదేశ్‌ (24), తెలంగాణ (21)లో కరోనా కేసులు నమోదయ్యాయి. ఇక కరోనా కట్టడి కోసం ప్రధాని నరేంద్ర మోడీ ఇచ్చిన పిలుపు మేరకు ఈరోజు దేశ ప్రజలంతా జనతా కర్ఫ్యూలో పాల్గొంటున్నారు. ఎవరు కూడా ఇళ్ల నుంచి బయటికిరావడం లేదు.