తెలుగు రాష్ట్రాల్లో లాక్‌డౌన్ కాబోతున్న జిల్లాలివే !
కేంద్రం కీలక ప్రకటన చేసింది. కరోనా ప్రభావం కనిపిస్తున్న 75జిల్లాల్లో లాక్‌డౌన్ చేయాలని ఆదేశించింది. ఈ జిల్లాల లిస్టులో తెలుగు రాష్ట్రాల్లోని హైదరాబాద్, రంగారెడ్డి, మేడ్చల్, సంగారెడ్డి, కరీంనగర్, ఖమ్మం, ఏపీలోని నెల్లూరు, ప్రకాశం, కృష్ణా, తూర్పు గోదావరి, విశాఖ జిల్లాలు ఉన్నట్టు తెలుస్తోంది. అంతేకాదు… ఈ నెల 31 వరకు రైళ్లని రద్దు చేస్తున్నట్టు రైల్వేశాఖ ప్రకటించింది.
ఇక దేశంలో రోజురోజూకి కరోనా వైరస్ విజృంభిస్తోంది. ఆదివారం ఒక్కరోజే దేశంలో మూడు కరోనా మృతుల సంభవించాయి. మహారాష్ట్రలో ఇద్దరు, గుజరాత్ రాష్ట్రంలో ఒకరు మృతి చెందారు. దీంతో దేశంలో కరోనా మృతుల సంఖ్య 7కి చేరింది. ఈ నేపథ్యంలో పలు రాష్ట్రాలు లాక్‌డౌన్ కి పిలుపునిచ్చాయి. నిత్యవసర సర్వీసులు తప్ప మిగితావన్నీ మూతపడనున్నాయి.
