చప్పట్లు.. చప్పట్లు.. చప్పట్లు.. ఇదీ కదా ఐక్యత !

చప్పట్లతో దేశం మారుమ్రోగిపోయింది. జనతా కర్ఫ్యూలో భాగంగా కష్ట సమయంలో ప్రజలకి సేవలందిస్తున్న వైద్యుల కోసం సాయంత్రం 5గంటలకి చప్పట్లు, శబ్దాలతో వారికి అభినందనలు తెలపాలని ప్రధాని నరేంద్ర మోడీ పిలుపునిచ్చిన సంగతి తెలిసిందే. ఆ పిలుపునందుకొని యావత్ దేశం సాయంత్రం 5గంటలకి బయటికొచ్చింది. చప్పట్లు, శబ్ధాలతో ఐక్యతని చాటింది.

సీఎం కేసీఆర్ చెప్పినట్టు ఆ చప్పట్ల చప్పుడుకి కరోనా పారిపోయేలా ఉంది. ప్రగతి భవన్ లో సీఎం కేసీఆర్, ఆయన కుటుంబ సభ్యులు, మంత్రులు, అధికారులు చప్పట్లతో వైద్యులని అభినందించారు. తెలంగాణ గవర్నర్, ఏపీ సీఎం జగన్, కేంద్ర మంత్రులు, అన్నీ రాష్ట్రాల ముఖ్యమంత్రులు చప్పట్లు సరిచి ఐక్యతని చాటారు.