‘ఆర్ఆర్ఆర్’ ఉగాధి కానుక.. ఏ క్షణంలోనైనా !

‘ఆర్ఆర్ఆర్’ అభిమానులకి గుడ్ న్యూస్. ఉగాధి కానుకగా రాబోతుంది. ఎన్టీఆర్, రామ్ చరణ్ కథానాయకులుగా రాజమౌళి దర్శకత్వంలో ‘ఆర్ఆర్ఆర్’ తెరకెక్కుతోన్న సంగతి తెలిసిందే. ‘బాహుబలి’ తర్వాత రాజమౌళి చేస్తున్న చిత్రమిది. స్వాత్రంత్య్ర సమరయోధులు కోమరం భీమ్, అల్లూరి సీతారామరాజుల కథతో తెరకెక్కుతోంది.

ఇందులో కొమరం భీమ్ గా ఎన్టీఆర్, ఆయనకి జోడిగా హాలీవుడ్ హీరోయిన్ ఓలివియా మోరీస్ నటిస్తున్నారు. అల్లూరి సీతారామరాజుగా రామ్ చరణ్, ఆయనకి జోడీగా బాలీవుడ్ భామ అలియా భట్ నటిస్తున్నారు. ఉగాధి కానుకగా ఈ సినిమా టైటిల్ లోగో, మోషన్ పోస్టర్ ని రేపు విడుదల చేస్తున్నట్టు రాజమౌళి తెలిపారు. ఈ మేరకు ఓ పోస్టర్ ని విడుదల చేశారు.

“ప్రస్తుతం ప్రపంచమంతా ఇబ్బందిలో ఉంది. ప్రతి ఒక్కరిలో ఆత్మస్థైర్యాన్ని నింపాల్సిన బాధ్యత మనందరి మీద ఉంది. ఎప్పటినుంచో మీరు ఎదురుచూస్తోన్న ‘ఆర్ఆర్ఆర్’ టైటిల్ లోగో, మోషన్ పోస్టర్‌ను రేపు విడుదల చేస్తున్నాం. మా టీమ్‌లోని ప్రతి ఒక్కరు వర్క్‌ ఫ్రమ్‌ హోమ్ చేస్తున్నారు. అందుకే ఎప్పుడు విడుదల చేస్తామన్న సమయం కచ్చితంగా చెప్పలేము. అందరూ ఎవరి ఇంట్లో వారు ఉండి ఎంజాయ్ చేయాలని మా టీమ్‌ అందరం కోరుకుంటున్నాం. ఒక కారణంతో దేశం మొత్తం లాక్‌డౌన్‌ అయిపోయింది. అందుకే సోషల్ గ్యాథరింగ్ లేకుండా చూసుకోండి” అని రాజమౌళి రాసుకొచ్చారు.